قازاقستان رەسپۋبليكاسىنىڭ ۇلتتىق بانكى 2017 جىلعى 29 قاراشادا نومينالى 500 تەڭگەلىك «proof» ساپاسىمەن «دالا قازىناسى» مونەتالار سەرياسىنان «دومبىرا» ەسكەرتكىش كۇمىس مونەتاسىن اينالىسقا شىعارادى، دەپجازادى Qamshy.kz اقپارات اگەنتتىگى ۇلتتىق بانكتىڭ باسپا ءسوز قىزمەتىنە سىلتەمە جاساپ. 

قازاقتىڭ دومبىراسى قازاق دالاسىنىڭ ادەمىلىگىن جانە بايلىعىن، كوشپەندىلەردىڭ تاماشا الەمىن سيپاتتايتىن ەڭ تانىمال اسپاپتاردىڭ ءبىرى.

قازاق دومبىراسى – قوس ىشەكتى شەرتپەلى مۋزىكالىق اسپابى. سۇيەمەلدەۋ جانە جەكە اسپاپ
رەتىندە، سونداي-اق قازاق حالىق مۋزىكاسىندا نەگىزگى اسپاپ رەتىندە قولدانىلادى. دومبىرا ءۇنى جۇمساق ءارى باسەڭ.

مونەتانىڭ بەت جاعىندا (اۆەرسىندە) ورتالىق بولىگىندە ويۋ-ورنەك اياسىندا ۇلتتىق مۋزىكالىق
اسپاپ – دومبىرا بەينەلەنگەن. وڭ جاعىندا مونەتانىڭ نومينالىن بىلدىرەتىن «500 تەڭگە» دەگەن جازبا جانە مونەتا دايىندالعان مەتالدى، ونىڭ سىنامى مەن ماسساسىن بىلدىرەتىن «Ag 925 31،1g» دەگەن جازبا ورنالاسقان. اينالدىرا مەملەكەتتىك تىلدە «قازاقستان رەسپۋبليكاسى» جانە ورىس تىلىندە «رەسپۋبليكا كازاحستان» دەگەن جازبا بار.

مونەتانىڭ ريەۆەرسىندە تاۋدىڭ، قازاق اۋىلىنىڭ، جۇيرىك تۇلپارلار اياسىنداعى دالانىڭ، دومبىراعا ارنالعان مۋزىكالىق تۋىندىنىڭ ءۇزىندىسى بار نوتا تۇعىرىنىڭ ستيلدەندىرىلگەن بەينەلەرى بار دومبىرادا ويناۋ ءساتى بەينەلەنگەن. مونەتانىڭ جوعارى بولىگىندە مەملەكەتتىك تىلدەگى «دومبىرا» دەگەن جازبا جانە سوعىلعان جىلىن بىلدىرەتىن «2017» دەگەن سان ورنالاسقان.

تومەنگى بولىگىندە – قازاقستان تەڭگە سارايىنىڭ تاۋار بەلگىسى. مونەتاعا گاۋھارتاس ورناتىلعان، بوياۋ بويىنشا شەشىم التىنداتۋ ارقىلى ورىندالعان. مونەتانىڭ بەت جانە سىرت جاعىنداعى بەينەلەر بەدەرلى، اينالدىرا شىعىڭقى جيەك جۇرگىزىلگەن.

قىرى (گۋرتى) بەدەرلى. مونەتالار 925 سىنامدى كۇمىستەن جاسالعان، ماسساسى – 31،1 گرامم، ديامەترى 1 ميلليمەتر بولاتىن ءبىر گاۋھارتاس ورناتىلعان، ديامەترى – 38،61 مم، دايىنداۋ ساپاسى – «proof»، ەڭ كوپ تارالىمى – 3 مىڭ دانا.

مونەتاعا گاۋھارتاس ورناتىلعان، مونەتالاردى التىنداتۋ تەحنولوگياسى قولدانىلعان.
ەسكەرتكىش مونەتالاردى «قازاقستان رەسپۋبليكاسى ۇلتتىق بانكىنىڭ قازاقستان تەڭگە سارايى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى دايىنداعان. مونەتالاردىڭ ديزاينى قازاقستان رەسپۋبليكاسى پرەزيدەنتىنىڭ 2003 جىلعى 25 قىركۇيەكتەگى №1193 جارلىعىمەن بەكىتىلگەن قازاقستان تەڭگەسى – ۇلتتىق ۆاليۋتا بانكنوتتارى مەن مونەتالارى ديزاينىنىڭ تۇجىرىمداماسىنا سايكەس ازىرلەنگەن.

«Proof» ساپاسىمەن جاسالعان ەسكەرتكىش مونەتالار كوللەكسيالىق قۇنى بويىنشا ساتۋعا ارنالعان. ولار كادەسىيلىق وراۋمەن شىعارىلادى جانە قازاقستان رەسپۋبليكاسى ۇلتتىق بانكىنىڭ مەملەكەتتىك، ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان. نومينالى 500 تەڭگەلىك ەسكەرتكىش مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا، سونداي-اق بانك شوتتارىنا ەسەپتەۋ ءۇشىن جانە اۋدارىم جاساۋ ءۇشىن قابىلدانۋعا مىندەتتى، قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.