جاۋىنگەرلىك وقۋ-جاتتىعۋدىڭ جوسپارى بويىنشا راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ 5 كۋرس كۋرسانتتارى اتىس سىناق الاڭىندا مەرگەندىكتەرىن شىڭدادى، دەپ حابارلايدى Qamshy.kz.

بەس مينۋتسىز بولاشاق لەيتەنانتتار ءۇشىن بۇگىنگى اك 74 قارۋىنان اتىپ نىساناعا ءدوپ تيگىزۋى، الدىڭعى اتۋ جاتتىعۋىلارعا قاراعاندا ماڭىزدىراق. سەبەبى ديپلوم الىپ، لەيتەنانت اتاناتىن كۇندە جاقىنداپ كەلەدى. بۇگىنگى جاتتىعۋ بارىسىندا بايقاعانىم، كۋرسانتتار ءدارىس جەتەكشىلەرىنىڭ ءاربىر ايتقان ءسوزىن، ءار قيمىلىن مۇقيات باقىلاۋمەن بولدى. ينستيتۋتتىڭ باس سەرجانتى شتاب سەرجانت ارىنحانوۆ ارمان كۋرسانتتاردى اتىس ونەرىنە ۇيرەتۋدە مايتالمان شەبەر ەكەندىگى ەتەنەدەن بەلگىلى. ءتۇسىندىرۋ جۇمىستارى بارىسىندا شارشاماي جاتتىعۋ سوڭىنا دەيىن ادىستەمەلىك نۇسقاۋلار بەرۋمەن بولدى. ناتيجەسىندە پودپولكوۆنيك ولجاس باكۋبايەۆ باسقاراتىن كۋرسانتتار باتالونىنىڭ قىراندارى نىسانانى دارىتۋدا جوعارى كورسەتكىشتەرگە قول جەتكىزدى.

ۇزدىك مەرگەن كۋرسانتتار؛ ج.نۇرقاسىموۆ، ن.شىنىبەكوۆ، ا.يساحان، ي.احمەتوۆ، ا.ارزاتوۆ، ە.كۋرمايەۆ، ب.باقتىعالييەۆ، ن.ابدۋللايەۆ، ە.مەندۋگالييەۆ، ە.ەسەنگالييەۆ، د.كالييەۆ، ن.مۇراتبەكوۆ جانە تاعى باسقالارى نىسانا اتۋدان بەس دەگەن باعا الدى. ەلباسىمىز، قازاقستان رەسپۋبليكاسىنىڭ قارۋلى كۇشتەرىنىڭ باس قولباسشىسى نۇرسۇلتان ءابىش ۇلى نازاربايەۆ، «وفيسەر - بۇل اسكەردىڭ ابىرويى! وفيسەر - مەملەكەتتىك قىزمەتكەر عانا ەمەس، ول كوپتەگەن ادامداردىڭ ءومىرى سەنىممەن تاپسىرىلاتىن مەملەكەت ادامى»، دەگەن بولاتىن. قۇرالايدى كوزگە اتقان، بولاشاق وفيسەرلەردىڭ ۇزدىك باعا الۋعا دەگەن ۇمىتىلىسىن كورىپ، ەگەمەندى ەلىمىزىدىڭ قورعانىسىن نىعايتۋداعى دايىنداپ جاتقان ازاماتتارىمىزدىڭ باعىتىنىڭ دۇرىس ەكەندىگىنە كامىل سەنەمدىمىن.

كريستينا نوۆيكوۆا