الماتىدا 2018 جىلدان باستاپ تاعى دا قورعانىس ىستەرى جونىندەگى باسقارما ءوز جۇمىسىن باستايدى، دەپ جازادى Qamshy.kz.
بۇدان ءارى - ناۋرىزباي اۋدانىنىڭ قورعانىس ىستەرى جونىندەگى باسقارماسى (بۇرىنعى سوزبەن ايتقاندا ناۋرىزباي اۋدانىنىڭ اسكەري كوميسسارياتى) كوممەرسيالىق ۇيىم ەمەس بولىپ تابىلادى، زاڭدى تۇلعالار مارتەبەسىنە يە، جۇمىلدىرۋ قىزمەتىن جۇزەگە اسىرۋ ءۇشىن ۇيىم-قۇقىقتىق نىسانداعى مەكەمەدەن قۇرالعان.
مەكەمە قىزمەتتىڭ ماقساتى - جەرگىلىكتى اتقارۋشى ورگاندارمەن بىرلەسىپ، ازاماتتاردى اسكەرگە شاقىرۋ ۋچاسكەلەرىنە تىركەۋدى، ازاماتتاردى قازاقستان رەسپۋبليكاسى قارۋلى كۇشتەرىنىڭ، باسقا دا اسكەرلەرى مەن اسكەري قۇرالىمدارىن شاقىرۋ جانە جۇمىلدىرۋ رەسۋرستارىمەن جاساقتاۋ. اۋماق الاڭىنا، الماتى قالاسىنىڭ حالىق سانىنا جانە جۇمىلدىرۋ رەسۋرستارىنىڭ اۋقىمىنا سۇيەنە وتىرىپ ناۋرىزباي اۋدانىنىڭ قورعانىس ىستەرى جونىندەگى باسقارماسى قۇرىلعان. ءۇش جىل بۇرىن ناۋرىزباي اۋدانىن قۇرۋ تۋرالى شەشىم قابىلداندى. وسى ۋاقىت ارالىعىندا ءتيىستى ينفراقۇرىلىمدى قۇرۋ ءۇشىن كوپتەگەن جۇمىستار جاسالۋدا. ناۋرىزباي اۋدانىنىڭ جاڭا اكىمشىلىك -ىسكەرلىك ورتالىعىندا مىناداي مەكەمەلەر ورنالاسقان: جەرگىلىكتى اكىمدىك، سوت، پروكۋراتۋرا، حقكو، احات، قازپوچتا، زەينەتاقى تولەۋ ورتالىعى، مەملەكەتتىك كىرىس باسقارماسى مەن باسقا دا مەملەكەتتىك ۇيىمدار. الماتى قالاسى اۋداندارىنىڭ كولەمى بويىنشا جەرگىلىكتى اسكەري باسقارۋ ورگاندارى تەك قانا قازاقستاندا ەمەس، بۇكىلالەمگە تانىمال ورگان بولىپ تابىلادى. ارميا حالىقپەن تىعىز بايلانىس جۇمىس جاساعاندا عانا داميدى. جەرگىلىكتى اسكەري باسقارۋ ورگاندارىن قۇرۋ كوزدەرى اسكەري جۇمىلدىرۋ قىزمەتى بولىپ سانالادى. سونىمەن قاتار مەملەكەتتىك تۇرعىدان ۇلكەن ستراتەگيالىق قۇرىلىم بولىپ تابىلادى، - دەدى ءوز سوزىندە الماتى قالاسىنىڭ قورعانىس ىستەرى جونىندەگى دەپارتامەنتىنىڭ باستىعى پولكوۆنيك وسەربايەۆ امانتاي مىرزا. سونىمەن بىرگە، قازىرگى ۋاقىتتا الماتى قالاسى ناۋرىزباي اۋدانىنىڭ قورعانىس ىستەرى جونىندەگى باسقارماسىنىڭ اسكەري مىندەتتىلەرى اۋەزوۆ اۋدانىنىڭ قورعانىس ىستەرى جونىندەگى باسقارماسىنىڭ ەسەبىندە ۋاقىتشم تۇرعانىن ايتا كەتكەن ءجون.
قارلىعاش مۇسابەك قىزى، الماتى قالاسىنىڭ قورعانىس ىستەرى جونىندەگى دەپارتامەنتى
پىكىر قالدىرۋ