قىتايداعى جەكە كاسىپكەرلىكتىڭ ءرولى جانە كولەمى قانداي ەكەندىگى كوپشىلىككە ايان. كۇنشىعىس ەلىنىڭ ەكونوميكاسى كۇن ساناپ ءوسىپ كەلەدى جانە تەك 2017 جىلدىڭ ءبىرىنشى جارتىسىندا عانا تىركەلگەن جاڭا بيزنەستىڭ كولەمى 13،2%-عا وسكەن، دەپ جازادى Qamshy.kz اقپارات اگەنتىگى. 

سونىڭ ىشىندە، ايتىلا بەرمەيتىن كاسىپكەر ايەلدەردىڭ توبى بار. سوڭعى بىر-ەكى جىل قىتايلىق كاسىپكەر ايەلدەر ءۇشىن وتە ءساتتى بولعانى ءسوزسىز. جۇڭگو ءوزىن-وزى جاساعان كاسىپكەر ايەلدەردىڭ استاناسىنا اينالدى دەسە دە بولادى. ويتكەنى Forbes جاساعان ءۇزدىڭ كاسىپكەر ايەلدەردىڭ تىزىمىنە 9 قىتايلىق قىز-كەلىنشەك ەندى. بۇل ناتيجە بويىنشا، 2017 جىلى جۇڭگو اقش-تى دا باسىپ وزدى، ويتكەنى اقش-تان تەك 5 كاسىپكەر ايەل عانا تىركەلگەن. 

قىتايلىق ايەلدەر ونداعى ەركەكتەردەن دە مىقتىراق بولىپ تۇر. ويتكەنى قىتايداعى ميللياردەرلەردىڭ 6%-ىن ءوزىن-وزى جاساعان ايەلدەر قۇرايدى. 

قىتايداعى ميللياردەر ايەلدەردى بۇكىل الەمدەگى ارىپتەستەرىنەن ەرەكشەلەيتىن ەكى نەگىزگى سيپات بار. بىرىنشىدەن، ولار ءبىرىڭعاي يندۋسترياعا نازار اۋدارادى، ەكىنشىدەن، ولار وتانداس ەرلەرمەن سالىستىرعاندا ساياسي تۇرعىدان بەلسەندى ەمەس.

بىرنەشە جىل بۇرىن قىتايلىق ايەلدەرگە جىلجىمايتىن مۇلىكپەن اينالىسۋ بايۋدىڭ ەڭ جىلدام جولى بولدى. ءتىپتى 2017 جىلى قىتايداعى بايلىق باسپالداعىنىڭ العاشقى ءۇش ورىنى جىلجىمايتىن مۇلىككە سالىنعان كاپيتالمەن، اتاپ ايتقاندا، يان حۋييانگ، ۆۋ يادجۋن جانە چەن لايۆا قولىندا بولدى. دەگەنمەن، قىتايداعى ايەلدەردىڭ ميللياردەرلەرىنىڭ كوپشىلىگى تىزىمگە 2010 جىلعا دەيىن كىردى. ۆۋ لانلان، چەن لياڭ جانە تاڭ دجيانفانگ سياقتى كوپتەگەن جاڭا قىتايلىق ميللياردەرلەر لوگيستيكا، تاۋار وراۋ جانە پوشتا قىزمەتتەرىنە مامانداندىرىلعان جەتكىزۋ جەلىلەرىن وڭتايلاندىرۋ ارقىلى ءوزىنىڭ بايلىعىن ۇلعايتتى. كوبىنە ولار وزدەرىنىڭ كۇيەۋلەرىمەن تيىمدىلىككە قول جەتكىزۋدى كوزدەيدى.

قىتايدىڭ ەڭ باي ايەلدەرى ەركەك ارىپتەستەرىنە قاراعاندا قايىرىمدىلىقتى تانىتادى. تىزىمدەگى ايەل ميللياردەرلەر وزدەرىنىڭ ون تاڭبالى تابىسى بار فيلانتروپتىق جوبالارىن ىسكە قوستى. 

2010 جىلدان بەرى ايەلدەردىڭ جيىنتىق بايلىعى 20 پايىزعا ازايىپ، ال وزىندىك بايلىق ەكى ەسە ءوستى. سونىمەن قاتار، ولار وتباسىمەن ىسكەرلىك قارىم-قاتىناستا تەڭدەسى جوق تابىسقا قول جەتكىزدى. بۇل ۇلگى ەسكى «وتباسىلىق بيزنەس» تەرمينىنە جاڭا ءمان بەردى: وتباسىلىق بيزنەستىڭ نەگىزگى مۇددەلى تاراپتارى - ءداستۇرلى اكە-شەشە، تۋىسقاندىق قارىم-قاتىناس ەمەس، كۇيەۋ مەن ايەلدىڭ جاقىندىعى.

زور ەڭبەكقورلىق، ىسكەرلىك جەڭىس پەن نارىققا وتە جىلدام بەيىمدەلۋ، شاعىن وتباسىلىق بيزنەس - وسىلاردىڭ بارلىعى بۇگىنگى تاڭداعى باي قىتايلىق ايەلدى سۋرەتتەيتىن قاسيەتتەردىڭ جيىنتىعى.