شىعىس قازاقستاندا شىعىسقازاقستاندىق جاستار الەۋمەتتىك جەلىلەر ارقىلى ەلباسى مەن رەسپۋبليكامىزدىڭ بارلىق تۇرعىندارىن مەرەكەمەن قۇتتىقتايتىن «اق تىلەكپەن، ەلباسىعا!» – «ناشي پوزدراۆلەنيا – ناشەمۋ پرەزيدەنتۋ!» جاستار اكسياسى باستاۋ الدى، دەپ حابارلايدى Qamshy.kz اقپارات اگەنتتىگى.
اكسياعا قاتىسۋشىلار Instagram پاراقشاسىنداعى «اق تىلەكپەن، ەلباسىعا!» دەگەن جازۋى بار ستەندتىڭ فونىندا فوتوعا ءتۇسىپ، ۇلت كوشباسشىسىنا ارنالعان قۇتتىقتاۋلار مەن اق تىلەكتەر جازىلعان فوتوسۋرەتتەردى ۆكونتاكتە، Instagram جانە Facebook الەۋمەتتىك جەلىلەرىنە سالادى. قۇتتىقتاۋ اكسياسى #MeninPrezidentim، #MoiPrezident، #MyPresident حەشتەگتەرىمەن وتەدى.
ستەندتەر ساۋدا ۇيلەرىندە، ويىن-ساۋىق كەشەندەرىندە، كينوتەاترلاردا، سونداي-اق وبلىستاعى ۇلكەن قالالاردىڭ ءبىلىم بەرۋ مەكەمەلەرىندە ورنالاستىرىلعان.
«ءبىز ءۇشىن تۇڭعىش پرەزيدەنت كۇنىنىڭ ماڭىزى زور. جاستار نۇرسۇلتان نازاربايەۆتىڭ ەلىنە قالتقىسىز قىزمەت ەتكەندىگى تۋرالى بىلۋلەرى كەرەك، ويتكەنى قازاقستان رەسپۋبليكاسىنىڭ تاۋەلسىزدىك جولىندا ونىڭ الاتىن ورنى ەرەكشە. بۇل اكسيا ارقىلى جاستارىمىزدىڭ قازاقستاندىق پاتريوتيزم رۋحىن كوتەرگىمىز كەلدى. اتالمىش اكسيا ءبىرىنشى رەت وسىنداي اۋقىمدى تۇردە وتكىزىلۋدە. مۇنداي فورماتتى تاڭداۋ بەكەردەن بەكەر ەمەس، قازىرگى تاڭدا جاستاردىڭ 80%-ى الەۋمەتتىك جەلىلەردى قولدانادى،» – دەپ اتاپ ءوتتى اتالعان اكسيانىڭ باستاماشىسى، الەۋمەتتىك جەلىنىنىڭ بەلسەندى قولدانۋشىسى بەرىك ءقادىر ۇلى.
