«نۇر وتان» پارتياسىنىڭ شاردارا اۋداندىق فيليالى «قىزىلجار» باستاۋىش پارتيا ۇيىمى پرەزيدەنت ن.نازاربايەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىنىڭ نەگىزگى تۇجىرىمدارىن جۇزەگە اسىرۋ قورىتىندىلارىن تالقىلاۋ ماقساتىندا جيىن وتكىزدى.
«نۇر وتان» پارتياسى شاردارا اۋداندىق فيليالى ءتوراعاسىنىڭ ءبىرىنشى ورىنباسارى مىرزاباي نۇرمانوۆ جولداۋدان تۋىندايتىن تۇجىرىمداردىڭ ورىندالۋ بارىسى تۋرالى بايانداما جاساپ، ونداعى مىندەتتەردى تالقىلادى. «بۇگىنگى باسقوسۋىمىز ەل تاريحىندا ەرەكشە ورىن الاتىن ايتۋلى وقيعالارعا بايلانىستى ءوتىپ وتىر. پرەزيدەنت جولداۋى ەلىمىزدى دامىتۋدىڭ ءۇشىنشى كەزەڭىنە ارنالعان. ول 2012 جىلى قابىلدانعان «قازاقستان – 2050» ستراتەگياسىنان باستاۋ الىپ، ۇلت جوسپارى «100 ناقتى قادام» بازاسىندا وتكىزىلەدى جانە 2050 جىلعا دەيىنگى كەزەڭدى قامتيدى. ەلباسى ءوز جولداۋىندا وسى باعىتتا دامۋدىڭ 5 نەگىزگى باسىمدىقتارىن انىقتاپ بەردى» دەدى م.نۇرمانوۆ.
باستاۋىش پارتيا ۇيىمىنىڭ مۇشەسى، م.گوركيي اتىنداعى جالپى ورتا مەكتەپ ديرەكتورىنىڭ مىندەتىن اتقارۋشى ساۋلە قادىروۆا ەلباسىنىڭ جىل سايىنعى حالىققا ارناعان جولداۋىن ۇجىم بولىپ تالقىلايتىنىن ءسوز ەتتى.
– بالا جانىنىڭ باعبانى – ۇستاز بولعاندىقتان، جولداۋدىڭ ءبىلىم سالاسىنا قاتىستى تۇسىنا توقتالىپ وتەيىن. جولداۋدىڭ ءتورتىنشى باسىمدىعىنداعى ادامي كاپيتال ساپاسىن جاقسارتۋ جونىندەگى تاپسىرماسى كوڭىلىمىزدەن شىقتى. جولداۋداعى باسىمدىقتار وركەنيەتتىڭ كوشىنەن قالماۋ ءۇشىن ءبىلىمدى، ۇلتجاندى ۇرپاقتى تاربيەلەپ، قالا مەن اۋىل مەكتەپتەرى اراسىنداعى ءبىلىم بەرۋ ساپاسىنىڭ الشاقتىعىن جويۋدى ماقسات ەتەدى، – دەدى ول.
«قىزىلجار» باستاۋىش پارتيا ۇيىمىنىڭ ءتوراعاسى قاسىمحان مىرزابايەۆتىڭ ايتۋىنشا، قۇرامىندا 766 مۇشەسى بار ۇيىمنىڭ قۇرىلعانىنا كوپ ۋاقىت بولماسا دا ءوز قىزمەتىن جوعارى دەڭگەيدە اتقارىپ كەلەدى. سونداي-اق جولداۋدا كورسەتىلگەن 5 باعىت بويىنشا ارنايى باعدارلامالار ازىرلەنىپ، جۇزەگە اسىرىلۋدا. ماسەلەن، بيىلعى جىلدىڭ وزىندە اۋداندا جاڭادان
2 بالىق وڭدەۋ زاۋىتى اشىلعان.
ە.مۇراتبەك،
وڭتۇستىك قازاقستان وبلىسى
پىكىر قالدىرۋ