پارلامەنت سەناتىنىڭ دەپۋتاتى داريعا نازاربايەۆا قازاقستاندىقتارعا تۇڭعىش پرەزيدەنت كۇنىن وتباسىمەن بىرگە تابيعات اياسىندا اتاپ وتۋگە كەڭەس بەردى، دەپ جازادى Qamshy.kz اقپارات اگەنتتىگى سپۋتنيك قازاقستان مالىمەتىنە سۇيەنىپ.
"وتباسىمەن بىرگە تابيعات اياسىندا اتاپ ءوتۋ كەرەك. بيىل اۋا رايى تاماشا، ءتىپتى استانادا دا كۇز ەرەكشە جىلى، ءبارىڭىز بايقاعان بولارسىزدار. قار ءالى از. اۋا رايى ءبىزدى ەركەلەتىپ ءجۇر. بالىقشىلار وزەننىڭ قاتۋىن اسىعا كۇتكەن سەكىلدى، مۇز ونشا قالىڭ بولماسا دا، قاۋمالاپ، بالىق اۋلاپ جاتادى. بالىقشىلار قاۋىپكە باس تىگىپ جۇرگەنىن ايتقانىمىز ءجون"، — دەدى نازاربايەۆا.
سەناتوردىڭ ايتۋىنشا، بالا-شاعا، جاقىن-جۋىعىڭمەن بىرگە تابيعاتتا كوبىرەك دەمالعان دۇرىس.
"بۇل شىنىمەن دە بويىڭىزداعى قۋاتتى ارتتىرىپ، كوڭىل-كۇيىڭىزدى كوتەرەدى. ونىڭ ۇستىنە، وتتەگى جەتىسپەي جۇرەتىنى دە راس. تابيعات اياسىندا كۇنىنە نەشە ساعات بولاسىز؟ سول سەبەپتى وسى مۇمكىندىكتى پايدالانىپ، وتباسىلىق قارىم-قاتىناسىڭىز بەن دەنساۋلىعىڭىزدى نىعايتىڭىز"، — دەپ كەڭەس بەردى سەناتور.
ءسوز سوڭىندا داريعا نازاربايەۆا قازاقستاندىقتاردى الدا كەلە جاتقان مەرەكەمەن قۇتتىقتادى.
