اتىراۋ وبلىستىق توتەنشە جاعدايلار دەپارتامەنتىنىڭ مالىمەتىنشە، ەكىنشى قاباتتىڭ قۇلاۋى سالدارىنان ءبىر ادام قازا تاۋىپ، ءتورت ادامدى كۇيىك شالىپ اۋرۋحاناعا جەتكىزىلگەن، - دەپ حابارلايدى Baq.kz اtpress.kz-كە سىلتەمە جاساپ.
29 قاراشادا ساعات 21:38-دە «ارداگەر» شاعىن اۋدانىنداعى ۇيلەردىڭ ءبىرىنىڭ توبەسىنەن ءتۇتىن شىعىپ جاتقانى تۋرالى حابارلاما كەلىپ تۇسكەن.
«ارداگەر» شاعىن اۋدانىندا №4 كوشەدەگى ەكى قاباتتى ءۇي ورتەنگەن. ءۇي يەلەرىنىڭ ايتۋىنشا، ءبىرىنشى قاباتتاعى گاراجدا اۆتوكولىكتىڭ گاز ءفيلترىن تازالاپ جاتقاندا جارىلىس بولعان.
ءۇيىندىنىڭ استىنان 1992 جىلى تۋعان ايەل ادامنىڭ دەنەسى تابىلعان. سونىمەن قاتار، 1990 جانە 1991 جىلى تۋعان ەر ادامداردىڭ دەنەسىن 13-15 % كۇيىك شالعان (1-2 دارەجەلى)، 1974 جىلى تۋعان ايەلدىڭ دەنەسىن 14-15 % (2-3 دارەجەلى) جانە 1992 جىلى ەر ادامنىڭ 10-11 % دەنەسىن كۇيىك شالعان (2-3 دارەجەلى).
بارلىق زارداپ شەككەندەر اتىراۋ وبلىستىق اۋرۋحاناسىنا جەتكىزىلگەن. ءورت ساعات 22:50-دە ءسوندىرىلدى. ءورتتىڭ نە سەبەپتى شىققانى انىقتالىپ جاتىر. ءورت سوندىرۋگە 25 ادام مەن جەتى ارنايى تەحنيكا جۇمىلدىرىلعان.
