اقتوبەلىك جۋرناليست ەلباسى تۋرالى ەستەلىكتەر جيناعىنىڭ تولىق نۇسقاسىن جازىپ شىقتى دەپ جازادى 24.kz. كىتاپتىڭ العاشقى ءبولىمى 2013 جىلى 300 دانامەن جارىققا شىققان ەدى. بالنياز اجنيازوۆ ەل اۋزىنان 10 جىل بويى پرەزيدەنت تۋرالى اقپارات جيناپتى. كىتاپ «ۇلىلىقپەن جۇزدەسۋ: ەلباسى مەن اقتوبەلىكتەر» دەپ اتالادى. وندا ءار جىلدارى نۇرسۇلتان نازاربايەۆپەن جۇزدەسىپ، پىكىرلەسكەن جانداردىڭ ەستەلىك اڭگىمەلەرى جازىلعان. 500 اقتوبەلىك ءوز ەستەلىگىمەن ءبولىسىپ، كەزدەسۋ ساتتەرىن ايتىپ بەرگەن. ودان بولەك، جيناق اۆتورى وسى جىلدار ىشىندە وبلىستىق، اۋداندىق باسىلىمداردى جىبەرمەي قاراپ، ەلباسى تۋرالى ماقالالاردى ءتىزىپ وتىرعان. بيىل دەمەۋشىلەردىڭ كومەگىمەن كىتاپتى تولىقتىرىپ شىعارۋدىڭ ءساتى ءتۇستى.

كىتاپ اۆتورى بالنياز اجنيازوۆ:  بۇل كىسىنىڭ ەڭ ءبىرىنشى قاراپايىمدىلىعى، سول ۋاقىتتا باستاپ، اركىمنىڭ نە ويلاپ تۇرعانىن تۇسىنەتىندىگى. ءبىر اۋىزدان ايتاتىندارى، تەك وسىنداي كىسى 90-شى جىلدارداعى كۇردەلى ۋاقىتتا قيىندىقتان الىپ شىققان، ەندى مىنە ءبىزدىڭ جارقىن بولاشاعىمىزدى قۇراتىن سول كىسىگە بايلانىستى. ەندى سول كىسىنىڭ ەسىمى ماڭگى حالىقتىڭ ەسىندە قالادى دەپ، ولار وسىلاي ءبولىستى ويلارىن،-دەيدى.