قازاقستان رەسپۋبليكاسىنىڭ تۇڭعىش پرەزيدەنتى كۇنى قارساڭىندا بەرليندەگى قازاق مادەنيەتى ورتالىعىندا «كوشباسشى جولى: وتتى وزەن» كوركەم ءفيلمىنىڭ كورسەتىلىمى بولدى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ. 

شارا باستالماس بۇرىن گەرمانيالىق بۋندەستاگتىڭ 18ء-ىنشى شاقىرىلىمداعى دەپۋتاتى گەنريح سەرتيك پەن گەرمانياداعى ق ر ەلشىسى بولات ءنۇسىپوۆ ءسوز سويلەدى.

ءوز سوزىندە نەمىس ساياساتكەرى پرەزيدەنتىمىزدىڭ تاۋەلسىز قازاقستاننىڭ قالىپتاسۋى مەن دامۋىنداعى تاريحي ۇلەسى  مەن  ەلدەگى ۇلتارالىق كەلىسىمدەردى قامتاماسىز ەتۋدەگى، قر-دىڭ حالىقارالىق ارەناداعى بەدەلىنىڭ ارتۋى جولىنداعى ەڭبەگىن ەرەكشە اتاپ ءوتتى.

«كەڭەس وداعى تاراعاننان كەيىنگى قازاقستاننىڭ ەڭ باستى ارتىقشىلىعى  حالىقتار بىرلىگى مەن كەلىسىمىنە قول جەتكىزە العان مىقتى كوشباسشىسى بولدى»، - دەدى 28 جىل بۇرىن قازاقستاننان گەرمانياعا كەلىپ، كەيىننەن نەمىس پارلامەنتىنىڭ كسرو-دا تۋعان جالعىز مۇشەسى اتانعان گەنريح سەرتيك.

ايتا كەتەيىك، اتالعان شارا قازاقستاننان قونىس اۋدارعان نەمىستەردىڭ ۇيىمدارىمەن بىرلەسە ۇيىمداستىرىلدى.