شقو-دا «گوۆوريت كاك نازاربايەۆ»  (نازاربايەۆ سياقتى سويلەۋ) اتتى كىتاپتىڭ تۇساۋكەسەرى ءوتتى. تۋىندىنىڭ اۆتورى س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ دوسەنتى ليۋسيا يلداروۆنا ابدۋللينا، دەپ جازادى Qamshy.kz اقپارات اگەنتتىگى. 

ليۋسيا يلداروۆنا -160-قا جۋىق عىلىمي جۇمىستاردىڭ اۆتورى جانە فيلولوگيا عىلىمدارىنىڭ دوكتورى، ول اتالمىش كىتاپتىڭ ماڭىزدىلىعىنا توقتالىپ: «بۇگىنگى تاڭدا شەشەندىك ونەر كاسىبي ىسكەرلىكتىڭ كەز كەلگەن تۇسىندا قاجەت. حالىق الدىندا جوعارى دەڭگەيدە ءسوز باستاۋ كاسىبي ساتىداعى جەتىستىڭ كەپىلى. مەنىڭ تەرەڭ تۇسىنىگىمشە، ءبىزدىڭ پرەزيدەنتتىڭ ءسوز ساپتاۋىنىڭ وزىندىك مانەرى بار. ءسوزدىڭ كەرەمەت كۇشتى ەنەرگياسى بار، ول ءبىزدىڭ ارەكەتتىڭ قانشالىقتى ناتيجەلى بولۋىنا سەبەپكەر بولادى. سوندىقتان، ءبىزدىڭ بارىمىزگە جاتىق ءارى شەشەن سويلەۋ وتە ماڭىزدى دەپ ويلايمىن»، -دەدى. 

ال بيبليوگراف اسەل وماروۆانىڭ باعالاۋىنشا، «گوۆوريت كاك نازاربايەۆ» كىتابى كوممۋنيكاسيا تەورياسىنىڭ نەگىزگى قاعيدالارىنا، سويلەۋ ادەبى مەن ىسكەرلىك ريتوريكاعا سۇيەنىپ جازىلعان. وندا نۇرسۇلتان نازاربايەۆتىڭ وراتورلىق شەبەرلىگى قانداي فورمۋلا ارقىلى قۇرالعانى ايقىندالادى. 

«نۇرسۇلتان نازاربايەۆ ءبىزدى جاڭا يدەيالاردى تابۋىمىزعا قاناتتاندىرادى. ول ءبىزدىڭ كوشتى جاڭا مىڭجىلدىققا قۇلشىنىسپەن باستاپ كەلەدى»، دەدى اسەل وماروۆا.