"قازاقستاننىڭ 100 جاڭا ەسىمى" جوباسىنىڭ قاتىسۋشىلارىمەن كەزدەسكەن ەلباسى نۇرسۇلتان نازاربايەۆ ومىرلىك جاردى قايدان ىزدەۋ كەرەكتىگىن ايتتى، — دەپ حابارلايدى Qamshy.kz اقپارات اگەنتتىگى Sputnik قازاقستان سايتىنا سىلتەمە جاساي وتىرىپ.
«ءقازىر جىگىتتەر قىزبەن تانىسقىسى كەلسە، ديسكوتەكاعا بارادى. داڭعازا مۋزىكادان ءبىر-بىرىڭدى ەستىمەيسىڭ. ايعايلاپ سويلەۋگە تۋرا كەلەدى. قاي سالاعا قىزىعۋشىلىق تانىتساڭ، سول سالاداعى قىزبەن تانىسۋ كەرەك. ەگەر ەكى ادام بىرگە ءبىر ماقساتتى كوزدەسە – وندا ىستەرى العا باسادى»، — دەدى ەلباسى.
وسى ورايدا پرەزيدەنت ەر ادامدارعا كەڭەس بەردى.
«ءبىز دە مىنەزىمىزدى وزگەرتۋىمىز قاجەت. تۇرمىستاعى زورلىق-زومبىلىق ايەلگە قاتىستى بولاتىنىن ۇنەمى ايتامىز. ءالى كۇنگە دەيىن كەيبىر ەلدە ايەلدەردىڭ قۇقىعى جوق. ءبىراق الەم باسقاشا دامىپ جاتىر. نەگە باتىستا ەرلەر مەن ايەلدەر وتباسىن كەش قۇرادى؟ سەبەبى، ايەل تاۋەلسىز بولۋدى قالايدى، قارجى جاعىنان كۇيەۋىنە تاۋەلدى بولعىسى كەلمەيدى. ولار مانساپ قۋىپ بولعان سوڭ، وتباسىن قۇرادى. ەكەۋى دە قابىلەتتى، ەكەۋى دە وزدەرى ءومىر سۇرە الادى»، — دەدى ەلباسى.
