– بيىلعى جىلدىڭ ايتۋلى جاڭالىقتارىنىڭ ءبىرى ەجەلدە ءومىر سۇرگەن امازونكانىڭ تابىلۋى بولدى، – دەدى شىعىس قازاقستان وبلىسىنىڭ اكىمى دانيال احمەتوۆ 2017 جىلدىڭ 29-شى قاراشاسىندا استاناداعى ورتالىق كوممۋنيكاسيالار قىزمەتىندە وتكەن بريفينگ بارىسىندا، – بيىلعى جىلى بەرەل قورعانىندا جۇرگىزىلگەن قازبا جۇمىستارىنىڭ ناتيجەسىندە ەرەكشە اشۋ بولدى. ءبىزدىڭ زامانىمىزعا دەيىنگى ءىىى عاسىردا ءومىر سۇرگەن جاس جاۋىنگەر ايەلدىڭ جەرلەنگەن جەرى تابىلدى. بۇل دالا وركەنيەتىنىڭ جوعارى دەڭگەيى تۋرالى قورىتىندى جاساۋعا مۇمكىندىك بەرەدى، دەپ جازادى Qamshy.kz اقپارات اگەنتتىگى. 

وبلىس باسشىسى بەرەل قورعاندارىنىڭ بىرەگەيلىگىنە ەرەكشە نازار اۋدارىپ، ارحەولوگيالىق وبەكتىنىڭ جالپىعا ورتاق بولۋى ءۇشىن ءتيىستى شارالاردى جاسايتىنىن ايتتى.

ەستەرىڭىزگە سالا كەتسەك، 2017 جىلدىڭ جازىندا كاتونقاراعاي اۋدانىنداعى قورعانداردى قازۋ بارىسىندا تابىلعان تاريحي جادىگەر، ايەل ادامنىڭ ساق قوعامىندا جوعارى ورىن العاندىعىنا بىردەن ءبىر دالەل بولدى. تاريح عىلىمدارىنىڭ دوكتورى زەينوللا ساماشيەۆتىڭ جەتەكشىلىگىمەن قازىلعان قورعاننان جەرلەنگەن ساق قىزىنىڭ سۇيەكتەرى تابىلعان. ونىڭ جانىندا ەكى جىلقى بىرگە جەرلەنىپتى. سونىمەن قاتار، قىزدىڭ قاسىنان قانجار تابىلعان. سونىڭ ىشىنەن ەجەلدە ءومىر سۇرگەن ايەل ادامنىڭ باس كيىمىنىڭ قالدىقتارى، تونى، بەلبەۋىنىڭ قالدىقتارى ساقتالىپ قالىپتى. بۇل زەرتتەلگەن ورىن ەجەلگى كەزدە تونالىپ كەتىپكەن ەكەن.

ايماق باسشىسى بيىلعى جىلدىڭ جازىندا قازبا جۇمىستارىنا بارىپ، ارحەولوگتاردىڭ اشۋلارىمەن تانىسىپ قايتقان بولاتىن.