شىعىس قازاقستان وبلىسىنىڭ تۇرعىندارى جاقىن ارادا جاڭا كىتاپتار الىپ، جاڭا ەسىمدەرمەن تانىسۋعا مۇمكىندىك الادى. بۇل جايلى 2017 جىلدىڭ 29-شى قاراشاسىندا استانا قالاسىنداعى ورتالىق كوممۋنيكاسيالار قىزمەتىندە وتكەن بريفينگ بارىسىندا مالىمدەدى، دەپ جازادى Qamshy.kz اقپارات اگەنتتىگى. 

ا.س.پۋشكين اتىنداعى وبلىستىق كىتاپحانا جازۋشى جەرلەستەرىنىڭ ءبىرقاتار كىتاپتارىن شىعارۋعا دايىندالۋدا. بۇل كىتاپتاردىڭ بارلىعى اباي الەمى» جوباسى اياسىندا شىعارىلماق.

2018 جىلى شىعىس قازاقستان وبلىسىنىڭ كىتاپحانالارىندا مارات قابانبايەۆتىڭ «ارىستان، مەن جانە ۆيولونچەل» پوۆەستەرىنىڭ جيىنتىعى جارىق كورەدى. بۇل باسىلىم نەگىزىنەن جاس وقىرماندارعا ارنالعان. قازاقستان جازۋشىلار وداعىنىڭ مۇشەسى، حانس حريستيان اندەرسەن اتىنداعى حالىقارالىق سىيلىقتىڭ لاۋرەاتى مارات قابانبايەۆ - ءبىزدىڭ وبلىستا بالالار ادەبيەتىندە قالام تەربەگەن جالعىز جازۋشى. وكىنىشكە وراي، ول ءقازىر ءبىزدىڭ ارامىزدا جوق، ءبىراق ونىڭ ەڭبەكتەرى جاقىندا وقىرمان قاۋىمنىڭ نازارىنا ۇسىنىلادى.

سونىمەن قاتار، اندرەي كراتەنكونىڭ ادەمى دە اسەم فوتوسۋرەتتەرگە تولى «ەۋرازيانىڭ ورتالىعىندا: قاسيەتتى مەكەندەرگە جاسالعان ساپار» كىتابى دايىندالىپ جاتىر. بۇدان بولەك، تانىمال ناتۋراليست جازۋشى بوريس ششەرباكوۆ «التاي قورىعىنىڭ تايگا گرافتىعى» اتتى جاڭا جۇمىسىن ۇسىنباق.   

وقىرماندار ءبىزدىڭ وتانداستارىمىزدىڭ مول مادەني مۇراسى مەن باسقا دا كوپتەگەن قىزىقتى تاقىرىپتاردى قامتىعان كىتاپتاردى وقۋعا مۇمكىندىك الاتىن بولادى.

«اباي الەمى» باسپاسى 5 جىلعا جۋىق كىتاپ شىعارۋعا ەسەپتەلگەن. جىل سايىن جاڭا كىتاپتار جارىق كورىپ، وقىرمان جاڭا ەسىمدەرمەن تانىسادى. جوبادا ەرەكشە نازار كىتاپتارى بۇرىن باسىلىپ شىقپاعان نەمەسە كىشىگىرىم دانامەن باسىلعان اۆتورلارعا بەرىلمەك.

«اباي الەمى» ادەبي جوباسى نەگىزىنەن باعىتى جالپى ۇلتتىق جانە مادەني تامىرلارعا نەگىزدەلگەن جازۋشىلاردىڭ شىعارماشىلىعىنا ارنالعان. كىتاپتار قوعامدىق سانانى جاڭعىرتۋ ءۇشىن قۇرىلعان «رۋحاني جاڭعىرۋ» باعدارلاماسىنىڭ «الەمدەگى قازىرگى قازاقستاننىڭ مادەنيەتى» باعىتى بويىنشا باسىپ شىعارىلادى.