اعىمداعى جىلدىڭ قازان ايىندا وسكەمەندە وتكەن «تۋعان جەر» كاسىپكەرلەر فورۋمىندا «مەنىڭ مەكتەبىم» ارنايى جوباسى باستاۋ العان بولاتىن. «مەنىڭ مەكتەبىم» ارنايى جوباسى – وبلىستاعى مەكتەپتەردىڭ ءبىلىم ساپاسىن ارتتىرۋ ءۇشىن جاعداي جاساۋ ماقساتىندا كاسىپكەرلەردىڭ، تانىمال جەرلەستەردىڭ قاتىسۋى. ارنايى جوبا اياسىندا جينالعان قاراجات اۋداندارداعى مەكتەپتەردىڭ فيزيكا، حيميا، بيولوگيا كابينەتتەرىن زاماناۋي ۇلگىدە جابدىقتاۋ جانە نازاربايەۆ زياتكەرلىك مەكتەپتەرىنىڭ ۇلگىسىندەگى روبوتوتەحنيكا سىنىپتارىن اشۋ ءۇشىن جۇمسالادى.

فورۋمدا وبلىس كاسىپكەرلەرى مۇنداي يگى ءىس ءۇشىن 2،2 ملرد. تەڭگە بولۋگە دايىن ەكەندەرىن ايتقان بولاتىن، بۇل قاجەتتى قاراجاتتىڭ 80 %-ىن قۇرايدى.

بارلىعى 277 مەكتەپتەگى 425 كابينەتتى، ونىڭ ىشىندە 38 فيزيكا، 37 حيميا، 78 بيولوگيا، 272 روبوتوتەحنيكا كابينەتتەرىن جاڭاشا ۇلگىدە جابدىقتاۋ جوسپارلانىپ وتىر. قاراجات جيناۋ ەرىكتى نەگىزدى ىسكە اسىپ جاتقاندىعىن ايتا كەتكەنىمىز ءجون. مەكتەپتەردى جابدىقتاۋ قوعامدىق باقىلاۋدا ورتالىقتاندىرىلعان تۇردە جۇرگىزىلەدى.

«مەنىڭ مەكتەبىم» اكسياسى اياسىنداعى قاراجاتتى «پارىز» شىعىس قازاقستان وبلىستىق قايىرىمدىلىق قورىنا اۋدارۋعا بولادى: بين 100440015697؛ «ForteBank» اق بانك بەنەفيسيارى؛ ييك KZ2596504F0007415141؛ كبە 18، كنپ 119 «مەنىڭ مەكتەبىم» اكسياسى دەگەن بەلگى قويۋ جانە قالا/اۋدان اتاۋىن كورسەتۋ.

بايلانىس تەلەفوندارى: 8(7232) 617-988، +7 777 857 54 81، وسكەمەن قالاسى، وتەپوۆ كوشەسى، 27.، 92 وفيس

شقو ايماقتىق بايلانىس قىزمەتى