شىعىس قازاقستان وبلىسىنىڭ جەڭىل اتلەتيكا فەدەراسياسىنا (جاف) جاڭا باسشى كەلدى دەپ حابارلايدى Qamshy.kz اقپارات اگەنتتىگى. بولاشاق وليمپيادا چەمپيوندارىن دايىنداۋ ىسىنە ەندى ايماق باسشىسى تىكەلەي ءوزى قاتىسادى. 

ايتا كەتۋ كەرەك، وسى اپتادا وسكەمەندە وبلىستىق جەڭىل اتلەتيكا فەدەراسياسىنىڭ كونفەرەنسياسى ءوتتى. وعان وليمپيادا چەمپيونى ولگا رىپاكوۆا دا قاتىستى. «گاۋھار ليگاسىنىڭ» ەكى دۇركىن جەڭىمپازى دا جاف ءتوراعاسى – دانيال احمەتوۆتىڭ ورىنباسارى لاۋازىمىنا تاعايىندالدى. جاڭا باسشىسىنىڭ العاشقى تاپسىرماسى بويىنشا ءبىر ايدىڭ ىشىندە جەڭىل اتلەتيكانى دامىتۋ بويىنشا باعدارلاما ازىرلەنۋى كەرەك. باستى ماقسات - كاسىبي «ALTAY ATHLETICS» كلۋبىنىڭ، سونىمەن قاتار وبلىس بويىنشا وسى باعىتتاعى جۇمىستى ءبىر جۇيەگە كەلتىرۋ.  

– مۇنداعى جۇمىس ناعىز كاسىبي كلۋبتاردىڭ دەڭگەيىندە جۇرگىزىلگەنىن قالايمىن. ءبىزدىڭ بالالار سپورتتىڭ بۇل تۇرىنە تابىستىڭ تاپتىرماس كوزى بولاتىن ماماندىق رەتىندە قاراۋلارى كەرەك. فەدەراسيا الدىنداعى مىندەت – كۇللى قازاقستان بويىنشا جەڭىل اتلەتتەردى تاۋىپ، ولاردى «ALTAY ATHLETICS» كلۋبىنا الىپ كەلۋ جانە جاس دارىنداردى ىزدەۋ بويىنشا ارنايى جۇيە قالىپتاستىرۋ.

فەدەراسيا تاعى ەكى كوماندا قۇرۋدى جوسپارلاپ وتىر. ونىڭ ءبىرى جارتىلاي كاسىپقويلار باس قوسار ەل قۇراماسى بولسا، ەكىنشىسى تەك قانا شىعىس قازاقستاننىڭ دارىندى بالالارىنان جاساقتالادى. بۇگىندە وبلىس ورتالىعىندا 50 اسا بالا جاتتىقتىرىلىپ جاتىر. الداعى تاڭدا جەڭىل اتلەتيكا ءبولىمى سەمەيدە، سونداي-اق، بالالار مەن جاسوسىپىرىمدەرگە ارنالعان سپورت مەكتەپتەرىنىڭ نەگىزىندە دە اشىلادى. 

ەستەرىڭىزگە سالا كەتسەك، قاراشادا دانيال احمەتوۆتىڭ باستاماسى بويىنشا شقو ەلدەگى العاشقى جەڭىل اتلەتيكادان كاسىبي «ALTAY ATHLETICS» كلۋبى قۇرىلعان بولاتىن.  

ءدال بۇگىن جەڭىل اتلەتيكا فەدەراسياسى وتكىزگەن كونفەرەنسيادا دانيال احمەتوۆ اتقارۋشى كوميتەت مۇشەسى لاۋازىمىنا تاعايىندالدى.