پالەستيناداعى زايىرلى جانە ءدىني قوزعالىستار اقش پرەزيدەنتى دونالد ترامپقا قارسى شەرۋگە شىقتى، دەپ جازادى Qamshy.kz اقپارات اگەنتتىگى. بۇعان سەبەپ ترامپتىڭ سارسەنبى كۇنى ەجەلگى قالانى ءيزرايلدىڭ استاناسى دەپ جاريالاۋى بولدى.
ونىڭ بۇل شەشىمىنە اراب ەلدەرى عانا ەمەس، ريم پاپاسى، بىرىككەن ۇلتتار ۇيىمى، ەۋروپا وداعى، ۇلىبريتانيا، تۇركيا، رەسەي، جۇڭگو، مالايزيا، يندونەزيا جانە تاعى باسقا ەلدەر نارازىلىق ءبىلدىردى.
پالەستينا ءبىلىم مينيسترلىگى بۇگىن وقۋدى توقتاتىپ، بارلىق مۇعالىمدەر مەن ستۋدەنتتەردى جالپىحالىقتىق شەرۋگە ۇندەدى. قارسىلىق اكسيالارى باتىس جاعالاۋدا، گازا سەكتورىندا، يەرۋساليمنىڭ پالەستينالىقتار مەكەندەيتىن اۋداندارىندا ءوتىپ جاتىر.
ايتا كەتسەك، يەرۋساليمدى يزرايل 1967 جىلعى سوعىستا باسىپ الدى. الايدا، الەمدىك قاۋىمداستىق تاريحي شاھارعا ەۆرەي مەملەكەتىنىڭ بيلىگىن مويىنداعان ەمەس. پالەستينا بولسا، يەرۋساليمنىڭ شىعىسىن ءوزىنىڭ بولاشاق مەملەكەتىنىڭ استاناسى ەتۋدەن ءۇمىتتى. ءبىراق، امەريكا «تاريحي جانە ءومىر شىندىعىن» العا تارتىپ، بۇعان قارسى شەشىم قابىلداپ وتىر. ي
«ءبىز بارشا جۇرتتى امەريكانىڭ ارسىز اگرەسسياسىنا قارسى تۇرۋعا شاقىرامىز. قايتالاپ ايتامىن – ارسىز اگرەسسياسىنا. قۇراما شتاتتار حالقىمىزعا باسقىنشىلىق جاساپ، وعان ءتىپتى سوعىس جاريالاپ وتىر. يەرۋساليمدە يسلام مەن حريستيان ءدىنى ءۇشىن دە قاسيەتتى ورىندار بار»، - دەدى «حاماس» قوزعالىسىنىڭ ليدەرى يسمايل حانيا.
