قازاقستاندىق بلوگەر دانيار ەنيكەيەۆ بريتانيا تۇرعىندارىنىڭ قازاقستاندىق قىزدار تۋرالى ويىن ءبىلدى دەپ جازادى Qamshy.kz اقپارات اگەنتتىگى. ول ەلىمىزدەگى ءبىرقاتار بەلگىلى بۇرىمدىلاردىڭ فوتولارىن جۇرگىنشىلەرگە كورسەتىپ، قاي ەلدىڭ ازاماتشاسى ەكەنىن سۇرادى. ولاردىڭ ىشىندە پروديۋسەر بايان ەسەنتايەۆا، ءانشى ەركە ەسماحان، سانبيكە اييا شالقار، تەلەجۇرگىزۋشى داريا الەكساندروۆا، ۆولەيبولشى سابينا التىنبەكوۆا، اكتريسا بيبىگۇل ءسۇيىنشالينا، ءانشى تاتيانا مورگۋنوۆا بار. ساۋالناماعا ءارتۇرلى جاستاعى ادامدار قاتىستى. ولاردىڭ ەشقايسىسى جوعارىدا اتالعان سۇلۋلاردىڭ قازاقستاندىكى ەكەنىن تابا المادى. ساۋالناماعا قاتىسۋشىلار ءتۇرلى ەلدەردى اتادى. ونىڭ ىشىندە فرانسيا، كورەيا، جۇڭگو، يسپانيا، تايلاند جانە ت.ب ەلدەر بار.

دانيار ەنيكەيەۆ سۋرەتتەگى قىز، كەلىنشەكتەردىڭ بارلىعى ءبىر ەلدىڭ تۋماسى ەكەنىن ەستىگەندە ساۋالناماعا قاتىسۋشىلار تاڭ قالدى. ارالارىندا قازاقستاننىڭ قايدا ەكەنىن بىلمەيتىندەر دە بولدى.