تۇركسىب اۋدانىندا ورنالاسقان «مارت» ساۋدا ورتالىعىندا جاپپاي سىرعاناۋعا ارنالعان تاعى ءبىر تەگىن مۇز ايدىنى اشىلدى، دەپ حابارلايدى اقپاراتتىق جانە سپورتتىق حاب .
بۇل سىرعاناق الماتىلىقتار مەن قالا قوناقتارى ءۇشىن ەكى تەحنيكالىق ۇزىلىسپەن (مۇزعا بايلانىستى) تاۋلىك بويى تەگىن جۇمىس ىستەيدى. ونىڭ جالپى كولەمى 722 شارشى مەتردى قۇرايدى. سونىمەن قاتار، الاڭ كونكيلەردى جالعا بەرۋ جانە تاماقتانۋ ورتالىقتارىمەن قامتاماسىز ەتىلگەن. ولار دەمالىس كۇندەرى 11:00-دەن 23:00-گە دەيىن، ال جۇمىس كۇندەرى 12:00-دەن 22:00-گە دەيىن جۇمىس ىستەيدى. كونكيدى 1 ساعاتقا جالعا الۋ 600 تەڭگەنى قۇراسا، قوناقتار ءوز كونكيلەرىمەن كەلىپ تەگىن سىرعاناۋعا مۇمكىندىك الادى.
«بۇل سىرعاناق وتە كەرەمەت ەكەن، مەدەۋدەگىدەي. وسى ۋاقىتقا دەيىن كوپتەگەن ارەنالارعا بارىپ جۇردىك، ەندى وسى جەرگە ءجيى كەلىپ تۇراتىن بولامىز. بۇگىن ءبىز دوستارىمىزبەن ءوز كونكيىمىزدى الىپ كەلدىك. قانشا ۋاقىت سىرعاناسان دا ءوز قالاۋىن، ال كونكي الام دەگەندەرگە باعاسى دا ارزان ەكەن. ۇيىمداستىرۋشىلارعا راحمەت»، – دەپ يليا مەن ەدۆارد ءوز ويلارىمەن ءبولىستى.
ايتا كەتەر بولساق، جەلتوقساننىڭ 1ء-ى كۇنى وسىنداي تەگىن مۇز ايدىندارى جىبەك جولى – ابىلاي حان كوشەسىندە جانە قازاقستاننىڭ تۇڭعىش پرەزيدەنتءى ساياباعىنىڭ الدىندا اشىلعان بولاتىن. ولاردىڭ جالپى اۋماعى 800 جانە 840 شارشى مەتردى قۇرايدى.
سونىمەن قاتار، بارلىق مۇز ايدىندارى جاڭا جىلدىق بەزەندىرۋ ستيلىندە راسىمدەلگەن. بىرنەشە كۇندەردەن كەيىن تەگىن مۇز الاڭدارى اۋەزوۆ اۋدانىندا، جاندوسوۆ كوشەسىندەگى “دۋبوك” ىقشام اۋدانىندا (جالپى اۋدانى 924 شارشى مەتر)، بوستاندىق اۋدانىندا “ۆيللا دەي فيوري” كەشەنىنىڭ ماڭىندا (600 شارشى مەتر)، مەدەۋ اۋدانى “سپارتاك” (ورتالىق مادەنيەت جانە دەمالىس ساياباعى) ستاديونىندا (800 شارشى مەتر)، الاتاۋ اۋدانى “سايالى” ىقشام اۋدانىندا جانە ناۋرىزباي اۋدانىڭداعى № 174ء-شى گيمنازيانىڭ ماڭىندا ىسكە قوسىلادى.
اتالعان مۇز ايدىندار تەك جاپپاي سىرعاناۋعا ارنالعان. ولار قىس مەزگىلىنىڭ سوڭىنا دەيىن جۇمىس ىستەيدى. جوبا ۇيىمداستىرۋشىسى الماتىقالاسىنىڭ اكىمدىگى بولىپ تابىلادى.
مۇز ايدىندارىن قالانىڭ بارلىق قوناقتارى مەن تۇرعىندارى تاۋلىگىنە 24 ساعات بويى پايدالانا الادى. سىرعانايتىن جەرلەردە كەلۋشىلەر ءۇشىن تاماقتاناتىن ورىندار مەن كونكييلەردى جالعا الۋ ۇيىمداستىرىلعان.كونكييلەردى 1 ساعاتقا جالعا الۋ قۇنى 600 تەڭگە. جالعا بەرۋ ورىندارى جاي كۇندەر تاڭعى ساعات 10-نان تۇنگى 22.00-گە دەيىن، ال دەمالىس كۇندەرى كۇندىزگى ساعات 12.00 دەن 00.00-گە دەيىن ىستەيدى.
ايتا كەتسەك، «مۇز، بالالار، سپورت الاڭدارى قالالىقتاردىڭ تازا اۋادا سپورتپەن شۇعىلدانۋلارىنا جاقسى جاعداي جاسايدى. مۇز ايدىندارىنا ءوز كونكييلەرىمەن كەلىپ، وتباسىمەن بىرگە سىرعاناۋعا بولادى»، - دەپ الماتى اكىمى باۋىرجانبايبەك اتاپ وتكەن بولاتىن.
الماتىدا سوڭعى ەكى جىلدا 732 اۋلا الاڭدارى اباتتاندىرىلدى. بۇل - قالاداعى ءاربىر بەسىنشى اۋلا.«مەنىڭ اۋلامداعى سپورت» باعدارلاماسى اياسىندا 6 مىڭ بالا كاسىبي نۇسقاۋشىلارمەن بىرگە اۋلالارداعى 75 سپورت الاڭدارىندا جاتتىعۋدا. 2020 جىلعا دەيىن قالانىڭ بارلىق 600 سپورت الاڭىن قامتۋ جوسپارلانعان.
