سوڭعى جىلى ەمەس ايلاردا قىتايدىڭ ەلىمىزگە تارالۋى ەسەلەپ قارقىن الۋدا. كوپ ۋاقىتتان بەرى قىتايدىڭ قازاق جەرىنە جايىلۋ ساياساتى اقتوبە مۇنايىنان باستالدى. ەكونوميكامىزدى مايلى تەتىگىن قولىنا العان ولار بۇگىندە قازاقستاندىق ساياسي بيلىككە دە ءوز ىقپالدارىن جۇرگىزە باستاعانى سەزىلۋدە. ەكونوميكالىق ينتەگراسيالىق پروسەستەر دەگەن جەلەۋمەن قىتايدىڭ مۇناي جانە 51 زاۆودىن كوشىرۋشى ءوندىرىس الپاۋىتتارى ءبىزدىڭ جەرىمىزدە تۇپكىلىكتى ورنىعۋعا ۇمتىلۋدا. ديپلوماتيالىق قاتىناسقا قولى جەتكەن قىتايلىقتار بۇگىندە ەكونوميكالىق، مادەني جانە الەۋمەتتىك بايلانىستىڭ ءتۇرلى سالالارىن كوبەيتۋ جولىمەن ەلىمىزگە سىنالاپ كىرىپ، سانى جاعىنان دا كوبەيىپ كەلەدى. اقىرى «ۇلى جۇڭگو كوشى» اقيقاتقا اينالدى.

«اۋرۋىن جاسىرعان ولەدى» - قازاقستاننىڭ ءتۇرلى ايماعىنداعى ەكسترەميستىك كوڭىل كۇيدەگى اعىمداردىڭ جاندانۋىنىڭ جانە سىرتتان بولۋى مۇمكىن ەكسترەميستىك ءتۇرلى ءدىني اعىمداردىڭ ىقپالىنىڭ قازاقستانعا دا ءقاۋىپتى ەكەنىن ايتا ءجۇرىپ، جۇڭگو تاراپىنان «بەيبىت ەكسپانسيانىڭ» ءتونىپ كەلە جاتقانى تۋرالى جاق اشپايمىز. قىتايلىقتار بۇگىندە ەلىمىزدىڭ بارلىق وبلىستارىندا مۇنايدان باسقا مادەني بايلانىستىڭ باسقا دا سالالارىن جەدەل يگەرۋگە كوشتى. قالالارىمىزدا قىتايلىق مەيرامحانالار، كافە-اسحانالار، دۇڭىرشەكتەر، دەلدار ءتۇرلى فيرمالار، مەديسينا ورتالىقتارى، ساۋدا-ويىن ساۋىق كەشەندەرى اشىلىپ، تىپتەن ءبۇتىن ءبىر قىتايلىق تۇرعىن ءۇي اۋداندارى قالىپتاستى. جۇڭگو ءتىلىن وقۋعا شاقىرعان جەكە مەكتەپتەر سانى كوبەيدى. بۇل باستاپقىدا «مۇناي سالاسىن كوتەرەمىز» دەپ كەلگەن قىتايلىقتاردىڭ ەلىمىزگە جايىلۋىنىڭ جانە ءبىر جولى.

ءسويتىپ، قىتايلىقتاردىڭ ىسكەر توپتارىنا مۇنايدان باسقا مادەني بايلانىستىڭ، كاسىپكەرلىكتىڭ باسقا دا تۇرلەرىن مولىنان يگەرۋگە جول اشىپ تاستادىق. بۇعان جەر كودەكسى جوباسىنداعى قازاق جەرىن جالعا بەرۋ باپتارىنىڭ وزگەرىسسىز قالۋى دا قولايلى جاعداي تۋعىزىپ وتىر. مۇنى جەرگىلىكتى بيلىك باسىنداعىلار بىلسە دە، قاراپايىم حالىقتان جاسىرىپ وتىر. قىتايدىڭ قازاق جەرىندە ءوز ساياساتى بارىن اقش، رەسەي جانە ىرگەمىزدەگى ەۆروپا سياقتى ءىرى مەملەكەتتەر دە سەزىنىپ، ولار دا قىتايدىڭ قازاق جەرىنە بويلاپ ەنۋىنە الاڭداۋشىلىق بىلدىرۋدە.

نۇرلىباي قوشامان ۇلى