الماتىدا «تازا قازاقستان» رەسپۋبليكالىق اكسياسى جانە «ءمولدىر بۇلاق» ەكولوگيالىق باستاماسى اياسىندا كەزەكتى سەنبىلىك ۇيىمداستىرىلدى. تازالىق جۇمىستارى تىكساي جانە قازاچكا وزەندەرىنىڭ جاعالاۋ اۋماقتارىن، سونداي-اق قالانىڭ ءبىرقاتار ۋچاسكەسىن قامتىدى.

سەنبىلىك كەڭساي-3 اۋماعىندا، تىكساي وزەنىنىڭ جاعاسىندا، دۋمان شاعىناۋدانىندا، بۇقتىرما كوشەسىنىڭ بويىندا، سونداي-اق قازاچكا وزەنى كوشەسى، 185 مەكەنجايى ماڭىندا جۇرگىزىلدى.

اۋدان اكىمدىگىنىڭ مالىمەتىنشە، سەنبىلىككە 14 بىرلىك ارنايى تەحنيكا جۇمىلدىرىلىپ، كوشەلەر مەن اۋلالار، جاسىل ايماقتار مەن قوعامدىق كەڭىستىكتەر تازارتىلدى. شامامەن 3 گەكتار اۋماق رەتكە كەلتىرىلىپ، 5 تونناعا جۋىق قوقىس شىعارىلدى.

«تازا قازاقستان» جانە «ءمولدىر بۇلاق» اكسيالارى اياسىنداعى سەنبىلىكتەر قالانىڭ تازالىعىن ساقتاۋ، قوعامدىق كەڭىستىكتەردى كوركەيتۋ جانە تۇرعىنداردىڭ ەكولوگيالىق مادەنيەتىن قالىپتاستىرۋ ماقساتىندا وتكىزىلەدى.

سانيتارلىق تازارتۋ مەن كورىكتەندىرۋ جۇمىستارى جالعاسىن تابادى.