الماتىنىڭ جەتىسۋ اۋدانىندا «ءمولدىر بۇلاق» اكسياسى اياسىندا تۇرعىنداردى، ەرىكتىلەردى جانە قالالىق قىزمەت وكىلدەرىن بىرىكتىرگەن سەنبىلىك ءوتتى.

سەنبىلىك پاللادين جانە تاتتىبەكوۆ كوشەلەرىندە جۇرگىزىلدى. تازالىق جۇمىستارىنا تۇرعىندار، كاسىپكەرلەر، اۋدان اكىمدىگى اپپاراتىنىڭ قىزمەتكەرلەرى مەن قالالىق باسقارما وكىلدەرى قاتىستى. سونداي-اق، اۋداندىق ارداگەرلەر كەڭەسى وكىلدەرى دە بەلسەندىلىك تانىتتى.

وزەن جاعالاۋلارى مەن ارنالارى تازارتىلىپ، وعان ىرگەلەس اۋماقتار رەتكە كەلتىرىلدى.

سەنبىلىككە 30 بىرلىك ارنايى تەحنيكا، ونىڭ ىشىندە جۇك كولىگى مەن تيەگىشتەر جۇمىلدىرىلدى. شامامەن 30 توننا قوقىس جينالىپ، شىعارىلدى.

جەتىسۋ اۋدانى اكىمىنىڭ ورىنباسارى جاناسىل سابىر ۇلى اكسيا قاتىسۋشىلارىنا العىس ءبىلدىرىپ، تۇرعىنداردىڭ بەلسەندىلىگىن جوعارى باعالادى.

«اپتا سايىن وتەتىن «ءمولدىر بۇلاق» اكسياسى اياسىندا پاللادين جانە تاتتىبەكوۆ كوشەلەرى ماڭىنداعى وزەن ارنالارى تازارتىلدى. جاقىن ماڭداعى ۇيلەردىڭ مىڭعا جۋىق تۇرعىنى، كوممۋنالدىق قىزمەتكەرلەر مەن اكىمدىك قۇرىلىمدارىنىڭ وكىلدەرى سەنبىلىككە قاتىستى. ءداستۇرلى تۇردە باستامالارىمىزدى قولداپ جۇرگەن ەرىكتىلەر مەن اعا بۋىن وكىلدەرىنە العىس بىلدىرەمىز. قالا تازالىعىن ساقتاۋ مەن ءتارتىپتى نىعايتۋعا باعىتتالعان وسىنداي اكسيالارعا اتسالىسۋ ءۇشىن تۇرعىنداردى الەۋمەتتىك جەلىلەرىمىزدى قاداعالاپ، بەلسەندى قاتىسۋعا شاقىرامىز»، – دەدى ول.