2026 جىلعى 19-23 قاڭتار ارالىعىندا حالىقارالىق ءبىلىم بەرۋ كورپوراسياسىندا (قازبسقا) «قىسقى مەكتەپ – 2026: ۋنيۆەرسيتەتتىڭ ءعىلىمي-بىلىم بەرۋ ەكوجۇيەسى: زاماناۋي سىن-قاتەرلەر» اتتى جوو وقىتۋشىلارىنىڭ عىلىمي جانە وقۋ-ادىستەمەلىك بىلىكتىلىگىن ارتتىرۋعا باعىتتالعان اپتالىق ءىس-شارا وتۋدە. قىسقى مەكتەپ وفلاين جانە ونلاين فورماتتا ۇيىمداستىرىلىپ، الماتى قالاسىنداعى حالىقارالىق ءبىلىم بەرۋ كورپوراسياسى، ءال-فارابي اتىنداعى قازاق ۇلتتىق ۋنيۆەرسيتەتى، قازاق ۇلتتىق اگرارلىق زەرتتەۋ ۋنيۆەرسيتەتى، ج. اسفەندياروۆ اتىنداعى قازاق ۇلتتىق مەديسينا ۋنيۆەرسيتەتى، ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتى سياقتى جوعارى وقۋ ورىندارىنىڭ پروفەسسور-وقىتۋشىلار قۇرامىنجانە جاس عالىمدارى مەن دوكتورانتتارىن ءبىر الاڭعا توعىستىرىپ، ولاردىڭ كاسىبي تۇرعىدان شىڭدالۋىنا جاعداي جاساپ وتىر. سونىمەن قاتار، ق ر پرەزيدەنتى جانىنداعى ق ر ۇلتتىق عىلىم اكادەمياسىنىڭ ۇيىمداستىرۋىمەن قىسقى مەكتەپ باعدارلاماسىنداعى ءبىرقاتار سەمينارلار «QazScience» عىلىمي-اكادەميالىق سەمينارىمەن ءوزارا ىقپالداستىرىلىپ، ەلىمىزدىڭ ءار وڭىرىندەگى عىلىمي ۇيىمدار مەن مەكەمەلەردىڭ عالىمدارى ءۇشىن كەڭ اۋقىمدى قاتىسۋ مۇمكىندىگى قامتاماسىز ەتىلۋدە.
قىسقى مەكتەپتىڭ العاشقى ەكى كۇنىندە وتكەن سەمينارلار مازمۇندى باياندامالارمەن ەرەكشەلەنىپ، قاتىسۋشىلاردىڭ زور قىزىعۋشىلىعىن تۋدىردى.
19 قاڭتار كۇنى ءال-فارابي اتىنداعى قازۇۋ جانىنداعى «Farabi Supercomputer Center»ديرەكتورى، قازاقستاننىڭ عىلىمدى كوممەرسيالاندىرۋ وداعىنىڭ ۆيسە-پرەزيدەنتى، PhD تەمىربايەۆ ءامىرحان ءادىلحان ۇلى جانە ق ر پرەزيدەنتى جانىنداعى ۇعا جاس عالىمدار كەڭەسىنىڭ مۇشەسى، ستارتاپەر-عالىم تاستانبەكوۆ دياس باقىتجان ۇلى بايانداما جاسادى. سەميناردا عىلىمي-يننوۆاسيالىق دامۋدىڭ وزەكتى ماسەلەلەرى كوتەرىلىپ، قازاقستانداعى يننوۆاسيالىق سيكلدىڭ جۇيەلىك قيىندىقتارى مەن ولاردى ەڭسەرۋ جولدارى كەڭىنەن تالقىلاندى. سونىمەن قاتار تەحنولوگيالاردى كوممەرسيالاندىرۋ باعىتىنداعى تاجىريبەلەر مەن ءجيى كەزدەسەتىن قاتەلىكتەر سارالانىپ، قاتىسۋشىلار پراكتيكالىق تۇرعىدا ماڭىزدى كەڭەستەر الدى.
20 قاڭتار كۇنى ۇلتتىق مەملەكەتتىك عىلىمي-تەحنيكالىق ساراپتاما ورتالىعى» اق باسقارما ءتوراعاسى، PhD بيبوسينوۆ اسىلحان جانىبەك ۇلىنىڭ جانە قازاقستانداعى Erasmus+ ۇلتتىق كەڭسەسىنىڭ كوورديناتورى پالۋانوۆا لاۋرا قالاباي قىزىنىڭ سپيكەر بولۋىمەن عىلىمي جوبالاردى جۇزەگە اسىرۋ مۇمكىندىكتەرى مەن حالىقارالىق باعدارلامالارعا قاتىسۋ تەتىكتەرءى ايتىلىپ، عىلىمي-اكادەميالىق ورتادا قىزۋ تالقىلاندى. اتاپ ايتقاندا، گرانتتىق جانە باعدارلامالىق-نىسانالى قارجىلاندىرۋ كونكۋرستارى اياسىندا ءوتىنىم بەرۋ ادىستەمەسىنىڭ نەگىزگى قاعيدالارى ءتۇسىندىرىلءدى، جوبانىڭ لوگيكاسى، قۇرىلىمى، دالەلدى بازاسى مەن قۇجاتتاندىرۋ تالاپتارى بويىنشا ناقتى باعىت-باعدار بەرىلدى. Erasmus+ باعدارلاماسى شەڭبەرىندە جوعارى ءبىلىم بەرۋ الەۋەتىن ارتتىرۋ جوبالارىنىڭ ەرەكشەلىكتەرى تانىستىرىلىپ، قاتىسۋشىلارعا جوبالىق مەنەدجمەنت جانە حالىقارالىق كونسورسيۋمنەگىزىندە بىرلەسكەن وتىنىمدەر دايىنداۋ سياقتى ماڭىزدى اسپەكتىلەر قامتىلدى.
الداعى كۇندەرى قىسقى مەكتەپ باعدارلاماسى بويىنشا پەداگوگيكالىق يننوۆاسيالار، عىلىمي-زەرتتەۋ مەن ءبىلىم بەرۋدىڭ كونۆەرگەنسياسى، اكادەميالىق جازىلىمنىڭ پراكتيكالىق ەرەكشەلىكتەرى جانە «سيفرلىق ۋنيۆەرسيتەت ارحيتەكتۋراسى – 2026» تاقىرىبىنداعى شەبەرلىك سىنىپتارى مەن سەمينارلار وتەتىن بولادى.
وسىلايشا، قىسقى مەكتەپ قاتىسۋشىلار ءۇشىن تاجىريبە الماسۋعا، جاڭا يدەيالار قالىپتاستىرۋعا جانە كاسىبي بايلانىستاردى نىعايتۋعا مۇمكىندىك بەرەتىن ماڭىزدى الاڭعا اينالىپ وتىر.
حالىقارالىق ءبىلىم بەرۋ كورپوراسياسى، عىلىم جانە يننوۆاسيالار دەپارتامەنتىنىڭ ديرەكتورى
لايسحانوۆ شاحيسلام ۇزاقباي ۇلى
