ساراپشىلاردىڭ پىكىرىنشە، جاڭا پارتيا ساياسي باسەكەنى كۇشەيتىپ، الداعى سايلاۋ قارساڭىندا پارتيالاردىڭ جۇمىسىنا جاڭا سەرپىن بەرە الادى.
جاڭا «ادىلەت» ساياسي پارتياسىن قۇرۋتۋرالى باستاما قازاقستاندا كەڭتالقىلانىپ جاتىر. ساراپشىلار جاڭا كۇشتىڭ پايدا بولۋى پارتيالىق جۇيەنى ترانسفورماسيالاۋدىڭ ماڭىزدى كەزەڭىنە اينالىپ، الداعى ەلەكتورالدىق سيكلدەر الدىندا باسەكەنى ارتتىرۋى مۇمكىن ەكەنىن العا تارتادى.
بۇل باستاما قوعامدا ۇلكەن قىزىعۋشىلىق تۋدىردى. ساراپشىلار مەن ساياساتتانۋشىلاردىڭ پىكىرىنشە، جاڭا پارتيانىڭ قۇرىلۋ پروسەسىنىڭ ءوزى ساياسي پىكىرتالاستاردى جانداندىرىپ، ينستيتۋتتاردىڭ دامۋىنا تىڭ سەرپىن بەرە الادى.
ماسەلەن، قارجى تالداۋشىسى راسۋل رىسمامبەتوۆ قازاقستاندا جاڭا پارتيالاردىڭ پايدا بولۋى زاڭدى قۇبىلىس ەكەنىن ايتتى.
«بىزگە ۇنايدى ما، جوق پا، ءبىراق ءبىز جاڭا ساياسي شىندىقتىڭ قارساڭىندا تۇرمىز. جاڭا پارتيانىڭ پايدا بولۋى – ديالوگقا، يدەيالاردىڭ باسەكەسى مەن تىڭ كۇن ءتارتىبىن سىناقتان وتكىزەتىن مۇمكىندىك. سوندىقتان «ادىلەت» پارتياسى تىركەلەتىن بولسا، سىرتتان باقىلاپ قانا قويماي، سۇراق قويىپ، ۇسىنىس ايتىپ، جاريالانعان قاعيداتتاردى ءىس جۇزىندە تەكسەرىپ، تالقىلاۋعا بەلسەندى قاتىسۋ اسا ماڭىزدى»، – دەدى ول.
ساياساتتانۋشى اندرەي چەبوتاريەۆتىڭپىكىرىنشە، «ادىلەت» پارتياسىن قۇرۋ باستاماسى ساياسي جۇيەنى دامىتۋعا جانە ازاماتتاردىڭ ساياسي ومىرگە بەلسەندى قاتىسۋعا دەگەن وبەكتيۆتى سۇرانىستى كورسەتەدى.
«پارتيانى قۇرۋ بويىنشا باستاماشىلاردىڭ باسىم بولىگى كونستيتۋسيالىق رەفورما جونىندەگى كوميسسيا جۇمىسىنا قاتىسقانىن ايتا كەتكەن ءجون. سوندىقتان ولاردىڭ باستى ماقسات رەتىندە جاڭا كونستيتۋسيا قاعيداتتارى نەگىزىندە ازاماتتاردىڭ قۇقىقتارى مەن بوستاندىقتارىن قورعاۋدىايقىنداۋى دا زاڭدى قۇبىلىس. «ادىلەت» پارتياسىنىڭ قۇرىلۋى پارتيالىق-ساياسي ورتانى جاڭعىرتۋى مۇمكىن جاعىمدى ۇدەرىس دەپ ەسەپتەيمىن»، – دەدى ول.
ال ساياساتتانۋشى عازيز ابىشيەۆ جاڭا پارتيانىڭ پايدا بولۋىن الداعى ساياسي سيكلدەرمەن بايلانىستىرىپ وتىر.
«قوعام قايراتكەرلەرى، ساراپشىلار مەن بيزنەس وكىلدەرىن بىرىكتىرگەن جاڭا پارتيانىڭ پايدا بولۋى بەلگىلى ءبىر دەڭگەيدە قۇرىلتاي الدىنداعى پارتيالىق الاڭنىڭ جاڭارۋىن مەڭزەيدى»، – دەدى ول.
ساراپشىلاردىڭ ايتۋىنشا، شەشۋشى فاكتور پارتيانىڭ قۇرىلۋى ەمەس، ونىڭ مازمۇندى كۇن ءتارتىبىن ۇسىنىپ، قوعاممەن ءتيىمدى ديالوگ ورناتا الۋى، سونداي-اق ناقتى ساياسي سۋبەكتىلىك تانىتا ءبىلۋى بولماق.
قازىرگى ۋاقىتتا پارتيا تىركەۋ كەزەڭىندە. الايدا ءقازىردىڭ وزىندە «ادىلەت»پارتياسىنىڭ پايدا بولۋى قازاقستاننىڭ ساياسي جۇيەسىنىڭ ودان ءارى ترانسفورماسياسىنىڭ ماڭىزدى كورسەتكىشتەرىنىڭ ءبىرىنە اينالۋى مۇمكىن ەكەنى بايقالادى.
ەسكە سالا كەتەيىك، بۇعان دەيىن «ادىلەت» پارتياسىنىڭ ۇيىمداستىرۋ كوميتەتى ادىلەت مينيسترلىگىنە ساياسي پارتيا قۇرۋ نيەتى تۋرالى حابارلاما جولداعان بولاتىن. قۇجاتتار 2026 جىلعى 16 ساۋىردە ەلىمىزدىڭ بارلىق وڭىرلەرىنەن، رەسپۋبليكالىق ماڭىزى بار قالالار مەن استانانى قوسا العاندا، 700-دەن استام ازاماتتان تۇراتىن باستاماشىل توپ اتىنان تاپسىرىلدى.
بۇل باستاماشىلاردىڭ پىكىرىنشە، پارتيانى قۇرۋ قاجەتتىلىگى جاڭا كونستيتۋسيانىڭ قابىلدانۋىمەن جانە رەفورمالاردى قولدايتىن ازاماتتاردى بىرىكتىرۋ يدەياسىنان تۋىنداعان. پارتيانىڭ قۇرىلتاي سەزى جاقىن ۋاقىتتا وتەدى دەپ جوسپارلانۋدا.
