17 ناۋرىز الماتىداعى «كەمەل» دەنە شىنىقتىرۋ-ساۋىقتىرۋ كەشەنىندە شاڭىراق كۇنىنە ارنالعان «اكە، انا جانە مەن – سپورتپەن شۇعىلداناتىن وتباسى» اتتى ينكليۋزيۆتى وتباسىلىق ەستافەتا ءوتتى.

جارىسقا ينكليۋزيۆتى ساناتتاعى بالالار مەن ولاردىڭ اتا-انالارىنان تۇراتىن كوماندالار قاتىستى. قاتىسۋشىلار «بالانس»، «دوپتى باقىلاۋ»، «وليمپيادالىق شەڭبەر»، «پيراميدانى جينا» جانە «بالالار — ءومىردىڭ گ ۇلى» سىندى ءتۇرلى سپورتتىق ءارى ويىن كەزەڭدەرىندە ب ا ق سىنادى.

ءىس-شارا جىلى ءارى دوستىق رۋحتا ءوتىپ، وتباسىلاردى بىرىكتىرىپ، قاتىسۋشىلارعا جارقىن ەموسيا مەن ۇمىتىلماس اسەر سىيلادى. اسىرەسە، ءاربىر بالا ءۇشىن جايلى ءارى قولداۋشى ورتا قالىپتاستىرۋعا ەرەكشە كوڭىل ءبولىندى.

اتا-انالاردىڭ ايتۋىنشا، بۇل كۇن ولار ءۇشىن ناعىز مەرەكەگە اينالدى. بالالاردىڭ قانشالىقتى بەلسەندى ءارى ەموسيالىق تۇرعىدا اشىلعانىنا ەرەكشە قۋانىش ءبىلدىردى.

مۇنداي ءىس-شارالاردى وتكىزۋ ينكليۋزيۆتى سپورتتى دامىتۋعا، وتباسىلىق قۇندىلىقتى نىعايتۋعا جانە سالاۋاتتى ءومىر سالتىن ناسيحاتتاۋعا باعىتتالعان.