الماتىداعى №90 مەكتەپ-ليسەيدە كامەلەتكە تولماعاندار اراسىنداعى قۇقىقبۇزۋشىلىقتىڭ الدىن الۋعا ارنالعان قالالىق «اكەلەر فورۋمى» ءوتتى. ءىس-شاراعا مەكتەپتىڭ 49 سىنىبىنان اكەلەر ارنايى شاقىرىلىپ، بالا تاربيەسىندەگى اكەنىڭ ءرولى، وتباسى جاۋاپكەرشىلىگى، جاسوسپىرىمدەر اراسىنداعى ءتارتىپ پەن پاتريوتتىق تاربيە ماسەلەلەرى تالقىلاندى.
فورۋمدا گەنەرال-مايور، ءىى دارەجەلى «ايبىن» وردەنىنىڭ يەگەرى اسقار وسپانوۆ جاس ۇرپاق تاربيەسىنىڭ ماڭىزىنا توقتالدى.
«ەرتەڭگى ەلدىڭ پاتريوتى، قوعامعا پايدالى ازامات بولىپ قالىپتاسۋى ءۇشىن بالا تاربيەسىنە بۇگىننەن كوڭىل ءبولۋىمىز كەرەك. سوندىقتان وسىنداي كەزدەسۋگە ارنايى كەلىپ وتىرمىن»، – دەدى ول.
المالى اۋدانىنىڭ اعا پروكۋرورى اسەل ابدىكارىموۆا فورۋمنىڭ باستى ماقساتى – جاسوسپىرىمدەر اراسىنداعى قۇقىقبۇزۋشىلىقتىڭ الدىن الۋ ەكەنىن اتاپ ءوتتى.
«ءار اكەگە بالا تاربيەسى مەن ونىڭ تۇلعا بولىپ قالىپتاسۋىندا اكەنىڭ ءرولى قانشالىقتى ماڭىزدى ەكەنىن جەتكىزگىمىز كەلەدى. ويتكەنى بالا اكەسىنە ءاردايىم ۇلگى تۇتىپ، ەرەكشە سەنىممەن قارايدى»، – دەدى اسەل ابدىكارىموۆا.
ءىس-شارا بارىسىندا ماماندار تاربيە، پسيحولوگيا، مەدياسيا جانە جاسوسپىرىمدەر اراسىنداعى تاۋەلدىلىكتىڭ الدىن الۋ تاقىرىپتارىن قوزعادى. سونداي-اق قاتىسۋشىلارعا مەكتەپ تەاترىنىڭ قويىلىمى ۇسىنىلدى.
