يلون ماسكتىڭ SpaceX كومپانياسى جاساندى ينتەللەكت ستارتاپى xAI-دى رەكوردتىق كەلىسىممەن تولىقتاي ساتىپ الدى. بۇل مامىلە ماسكتىڭ عارىش پەن AI باعىتىنداعى امبيسيالارىن ءبىر ەكوجۇيەگە بىرىكتىرەدى.
كەلىسىم ناتيجەسىندە SpaceX شامامەن $1 ترلن، ال xAI $250 ملرد دەپ باعالاندى. xAI ينۆەستورلارى ءار اكسيا ءۇشىن SpaceXء-تىڭ 0،1433 اكسياسىن الادى، ال كەيبىر توپ-مەنەدجەرلەرگە قولما-قول تولەم دە ۇسىنىلعان.
ساراپشىلار بۇل مامىلەنى تەحنولوگيا سالاسىنداعى ەڭ ءىرى بىرىگۋلەردىڭ ءبىرى دەپ باعالاپ وتىر. جاڭا بىرىككەن قۇرىلىم SpaceXء-تىڭ دەرەكتەر ورتالىقتارى مەن AI ينفراقۇرىلىمىن كۇشەيتىپ، Google، Meta، Amazon جانە OpenAI سەكىلدى الپاۋىتتارمەن باسەكەنى ارتتىرادى.
مامىلە سونداي-اق بيىل جوسپارلانىپ وتىرعان SpaceX IPO-سىنا جول اشۋى مۇمكىن. ماسك بۇل قادامدى «ادامزات ساناسىن عالامعا كەڭەيتۋگە باعىتتالعان جاڭا كەزەڭ» دەپ اتادى.
