الماتىدا ناۋرىز مەيرامىنا ارنالعان مەرەكەلىك ءىس-شارالار جالعاسۋدا: كونسەرتتەر، جارمەڭكەلەر مەن مادەني باعدارلامالار ۇيىمداستىرىلۋدا.

قالانىڭ نەگىزگى الاڭدارى كۇن سايىن ءان مەن مادەني باعدارلامالاردى ۇناتاتىندار ءۇشىن باستى تارتۋ نۇكتەلەرىنە اينالۋدا. مۇندا كونسەرتتىك قويىلىم، تەاترلاندىرىلعان كورىنىستەر ءوتىپ، قولونەر جارمەڭكەسى مەن ينتەراكتيۆتى ايماق جۇمىس ىستەيدى.

24 ناۋرىز اباي الاڭىندا شامامەن 7 ساعاتقا سوزىلعان كونسەرتتىك باعدارلاما ءوتتى. ونىڭ اياسىندا «Nauryz Open Air» ۇيىمداستىرىلىپ، «Steppe Sons» توبى مەن IGIGAI ورىنداۋشىسى ونەر كورسەتتى. سونداي-اق ءداستۇرلى جانە زاماناۋي جانرلاردى توعىستىرعان «تورلەت، ناۋرىز!» باعدارلاماسى ۇسىنىلدى. كەشكى ۋاقىتتا ساحناعا «Aldaspan» ۇجىمى شىعىپ، باعدارلامانى «Qazaqsha تەراپيا» اتتى تەاترلاندىرىلعان رۋحاني-مۋزىكالىق كەش قورىتىندىلادى.

قالا تۇرعىندارى مەن قوناقتارى مەرەكەلىك ءىس-شارالارعا بەلسەندى قاتىسىپ، وتباسىلارىمەن جانە دوستارىمەن بىرگە ۋاقىت وتكىزىپ، ءوز اسەرىمەن بولىسۋدە.

«ءارتۇرلى الاڭدارعا بارىپ كورۋگە تىرىسامىز — مۇندا ەرەكشە اتموسفەرا بار. بارلىعى وتە ۇنايدى، بارشاڭىزدى ناۋرىز مەرەكەسىمەن قۇتتىقتايمىز»، — دەدى قالا تۇرعىندارى ليەۆ يۋركوۆسكيي مەن كسەنيا ۆاسيليەۆا.

«ناۋرىزدىڭ بۇرىن سوڭدى مۇنداي اۋقىمدا اتاپ وتىلگەنىن ەسىمە تۇسىرە المايمىن. بارلىعى جان-جاقتى ويلاستىرىلىپ، شىنايى كوڭىلمەن ۇيىمداستىرىلعان»، — دەپ قوستى الماتىلىق ساۋلە يششانوۆا.

مەرەكەلىك ءىس-شارالارعا شەتەلدىك قوناقتار دا ەرەكشە قىزىعۋشىلىق تانىتۋدا.

«ءبىز دە ءوز ەلىمىزدە ناۋرىزدى اتاپ وتەمىز، ءبىراق مۇنداي اۋقىمدى كۇتپەدىك. بىرنەشە كۇننەن بەرى ءتۇرلى الاڭدارعا بارىپ ءجۇرمىز — ءبارى وتە ادەمى ءارى ەرەكشە»، — دەپ ءبولىستى تۇركيادان كەلگەن ستۋدەنتتەر زەحرا، تۋيچە جانە ازرا.

قالادا ناۋرىز مەرەكەسىنە ارنالعان ءىس-شارالار ەرتەڭ دە جالعاسادى. كەلەسى كونسەرت اباي الاڭىندا 25 ناۋرىز ساعات 15:00-دەن 20:00-گە دەيىن وتەدى.