قازاقستان حالقى 15 ناۋرىزدا جاڭا كونستيتۋسياعا رەفەرەندۋم ارقىلى داۋىس بەرەدى. وسىنداي تاريحي بەتبۇرىس تۇسىندا اباي ۋنيۆەرسيتەتىندە قازاقستان كونستيتۋسياسى مەن زاڭ سالاسىنا زور ەڭبەك سىڭىرگەن سالىق زيمانوۆتىڭ 105 جىلدىعىنا ارنالعان «زيمانوۆ ەنسيكلوپەدياسىنىڭ» تۇساۋى كەسىلدى.باسىلىم جاڭا كونستيتۋسيا مەن بۇعان دەيىنگى اتا زاڭداردىڭ اراسىنداعى تاريحي ساباقتاستىق ءۇشىن وتە ماڭىزدى. وعان تانىمال اكادەميك-عالىمدار مەن زاڭگەرلەر جانە عىلىمي قاۋىمداستىق مۇشەلەرى قاتىستى.
قازاقستاندا قۇقىقتىق مەملەكەت قاعيداتتارىن جاڭعىرتۋ، كونستيتۋسيالىق رەفورمالاردى جەتىلدىرۋ ماسەلەسى وزەكتىلىگىن جوعالتقان ەمەس. مەملەكەت تۇراقتىلىعىنىڭ باستى كەپىلى سانالاتىن كونستيتۋسيانىڭ تاريحي نەگىزدەرىن زەردەلەۋ، ونى قالىپتاستىرۋعا ۇلەس قوسقان تۇلعالاردىڭ عىلىمي مۇراسىن جاڭاشا باعالاۋ – بۇگىنگى كۇننىڭ ماڭىزدى مىندەتتەرىنىڭ ءبىرى. ەلىمءىءزدىڭ تۇڭعىش جانە قولدانىستاعى كونستيتۋسياسىن قالىپتاستىرۋدا زور ۇلەس قوسقان ق ر ۇعا اكادەميگى، زاڭ عىلىمىنىڭ زاڭعار تۇلعاسى سالىق زيمانوۆتىڭ 105 جىلدىعىنا وراي ۇيىمداستىرىلعان بۇل جيىن «جاڭا كونستيتۋسيا – مەملەكەت تۇراقتىلىعىنىڭ كەپىلى» اتتى تاقىرىپ اياسىندا ءوربىدى. باسقوسۋدىۋنيۆەرسيتەتتىڭ زەرتتەۋ قىزمەت جانە يننوۆاسياجونىندەگى پرورەكتورى ەرتاي سۇلتان اشىپ، سالىق زيمانوۆتىڭ قۇقىقتىق عىلىمداعى ورنى مەن كونستيتۋسيا دامۋىنا قوسقان ۇلەسءىن ەرەكشە اتاپ ءوتتى.
– سالىق زيمانوۆ كەڭەستىك كەزەڭدە وتاندىق زاڭ عىلىمىنىڭ نەگىزىن قالاۋشىلاردىڭ ءبىرى رەتىندە ەلگە بەلگىلى بولسا، تاۋەلسىزدىكتىڭ العاشقى سىندارلى جىلدارىندا عىلىمي مول تاجىريبەسىن ۇلتتىق مەملەكەتتىڭ ىرگەتاسىن بەكىتۋگە جۇمسادى. ول ەلىمىزدىڭ زاڭنامالىق نەگىزىن قالىپتاستىرۋعا باعىتتالعان بىرنەشە كونستيتۋسيالىق اكتىلەردىڭ ازىرلەنۋىنە تىكەلەي اتسالىستى. كونستيتۋسيا تۋرالى قۇجاتتىڭ ومىرگە جولداما الۋىنا زور ەڭبەك ءسىڭىردى، – دەدى پرورەكتور.
ءىس-شارا بارىسىندا «زيمانوۆ ەنسيكلوپەدياسى» باسىلىمىنىڭ تۇساۋى سالتاناتى تۇردە كەسىلءىپ، ەلىمىزدىڭ ءبىر توپ زاڭگەر-عالىمدارى سالىق زيمانوۆتىڭ 100 جىلدىعىنا ارنايى شىعارىلعان مەرەيتويلىق توسبەلگىسىمەن ماراپاتتالدى. سالىق زيمانوۆ ەنسيكلوپەدياسى – قازاقستانداعى قۇقىقتىق عىلىمنىڭ جانە كونستيتۋسيالىق دامۋعاولشەۋسءىز ۇلەس قوسقان س.زيمانوۆتىڭ ءومىرى مەن قىزمەتىن، عىلىمي ەڭبەكتەرىن، قوعامدىق جانە مەملەكەتتىك قىزمەتتەگى ءرولىن جان-جاقتى قامتيتىن بىرەگەي باسىلىم. ەنسيكلوپەديا قازاقستانداعى كونستيتۋسيانى قالىپتاستىرۋدىڭ ءداستۇرىن كورسەتە وتىرا، ەلىمىزدە قابىلداناتىن جاڭا كونستيتۋسيا جوباسىنىڭ تاريحي ساباقتاستىعىن ايقىنداۋعا مۇمكىندىك بەرەدى.
ق ر پارلامەنتءى ءماجىلىسىنىڭ دەپۋتاتى ايگۇل قۇسپان، ق ر ۇعا اكادەميگى مۇرات جۇرىنوۆ، قازاقستان جازۋشىلار وداعىنىڭ ءتوراعاسى مەرەكە قۇلكەنوۆ، قازاقستان عالىمدار قاۋىمداستىعىنىڭ ءتوراعاسى ورازالى سابدەن باستاعان بەلگىلى تۇلعالار ءسوز سويلەپ، قازاقستان كونستيتۋسيالىق قۇقىق عىلىمى مەن سالىق زيمانوۆ تۋرالى پىكىر ءبىلدىردى.سالىق زيمانوۆتىڭ عىلىمي مەكتەبى، شاكىرتتەرى مەن قۇقىقتىق مەملەكەت قالىپتاستىرۋعا قوسقان ۇلەسى تۋرالى وي ءبولىسىپ، باسىلىمنىڭ عىلىمي ءارى تاريحي ماڭىزىنا ەرەكشە توقتالدى.
عالىمداردىڭ پىكىرىنشە، ەنسيكلوپەديادا كوتەرىلگەن يدەيالار رەفەرەندۋم ارقىلى قابىلدانباق جاڭا كونستيتۋسيا قاعيداتتارىمەن ۇندەسىپ، ونىڭ قۇقىقتىق ساباقتاستىعى ماڭىزدىلىعىن ايقىنداي ءتۇسپەك.
«Abai University» مەديا ورتالىعى
