اقتوبە وبلىسىنىڭ تىلدەردى دامىتۋ باسقارماسى جانىنداعى تىلدەردى وقىتۋ ورتالىعى ۇيىمداستىرۋىمەن س.بايىشيەۆ اتىنداعى عىلىمي-امبەباپ وبلىستىق كىتاپحاناسىندا «ءتىل جاڭعىرۋى: قازاق ءتىلىنىڭ جاڭا ءالىپبيى جانە جاھاندىق ءبىلىم بەرۋ كەڭىستىگى» اتتى وبلىستىق سەمينار ءوتتى.
سەميناردىڭ ماقساتى ەلباسى ن.ءا.نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا كورسەتىلگەن 6-باعىت «لاتىن گرافيكالىق جۇيەگە كوشۋ» كەزەڭدەرىنە، قاعيدالارىنا شولۋ، قازاق ءتىلىنىڭ لاتىن گرافيكاسىنا نەگىزدەلگەن جاڭا ءالىپبيىن كوپشىلىككە تانىستىرا وتىرىپ، وي ءبولىسۋ، پىكىرلەسۋ.
اتالعان شاراعا جوعارى وقۋ ورىندارىنىڭ پروفەسسورلارى، وقىتۋشىلار قۇرامى، ءتىلشى-عالىمدار، وبلىستىڭ فيلولوگ ماماندارى، مەملەكەتتىك قىزمەتشىلەر سونداي-اق حالىققا قىزمەت ەتۋ سالاسى قىزمەتشىلەرى قاتىستى.
«سەميناردىڭ ماقساتى — ەلباسى ن.نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا كورسەتىلگەن التىنشى باعىت «لاتىن گرافيكالىق جۇيەگە كوشۋدىڭ» كەزەڭدەرىنە، قاعيدالارىنا شولۋ، ەلىمىزدەگى رۋحاني جاڭعىرۋ تەتىگى — قازاق ءتىلىنىڭ لاتىن گرافيكاسىنا نەگىزدەلگەن جاڭا ءالىپبيىن كوپشىلىككە ءتۇسىندىرۋ جانە كەڭىنەن تانىمال ەتۋ، جاhاندىق ءبىلىم بەرۋ كەڭىستىگىنە ەنۋدە كوپتىلدىلىكتىڭ ماڭىزى تۋرالى پىكىرلەسۋ»، — دەيدى اقتوبە وبلىسىنىڭ تىلدەردى دامىتۋ باسقارماسى جانىنداعى تىلدەردى وقىتۋ ورتالىعىنىڭ ادىسكەرى اقمارال سۇگىربايەۆا.
شارانىڭ العاشقى بولىمىندە ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىنىڭ دوسەنتى، ف.ع.ك. ن.ا.سادۋاقاس «جاڭا ءالىپبيدىڭ قۇرىلىمى مەن قىزمەتى» تۋرالى تەرەڭ اقپارات بەرىپ، قازاق ءتىلىنىڭ جاڭا ءالىپبيى ەل بولاشاعى ءۇشىن جاسالعان يگى قادام ەكەندىگىنە توقتالدى.
سونىمەن قاتار «لاتىن ءالىپبيى ادەبي شىعارمالار نەگىزىندە» تاقىرىبىنداعى س.بايىشيەۆ اتىنداعى اقتوبە ۋنيۆەرسيتەتىنىڭ PhD، ف.ع.ك.، دوسەنت ت.ج.توقسانبايەۆانىڭ، «بولاشاق مەديسينا سالاسى قىزمەتشىلەرىن دايىنداۋ ماسەلەسىندەگى جاڭا ءالىپبيدىڭ ماڭىزى» تۋرالى مارات وسپانوۆ اتىنداعى باتىس قازاقستان مەملەكەتتىك مەديسينا ۋنيۆەرسيتەتى ۇزدىكسىز كاسىبي دامۋ ورتالىعىنىڭ وقىتۋشىسى ن.ا.رىسماعامبەتوۆانىڭ، ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىنىڭ ورىس فيلولوگياسى جانە مادەنيەتارالىق كوممۋنيكاسيا كافەدراسىنىڭ اعا وقىتۋشىسى ا.ت.ساگييەۆانىڭ «پەرەحود نا لاتينيسۋ – ۋكرەپلەنيا ترەحيازىچيا ۆ كازاحستانە» تاقىرىبىنداعى باياندامالارىندا الەمدىك ءبىلىم بەرۋ كەڭىستىگىندەگى جاڭا ءالىپبيدىڭ ماڭىزى مەن ءرولى، بولاشاق مامانداردىڭ كوپتىلدى تۇلعا رەتىندە باسەكەگە قابىلەتتىلىگىن ارتتىرۋعا تيگىزەر ىقپالى تۋرالى ايشىقتى ويلارىمەن ءبولىستى.
سونىمەن قاتار، «ەركىن ميكروفون» بولىمىندە ورتالىقپەن تىعىز قارىم-قاتىناس جاساپ وتىرعان مەكەمەلەر، ونىڭ ىشىندە م. بوكەنبايەۆ اتىنداعى اقتوبە زاڭ ينستيتۋتى، اقتوبە وبلىستىق سوتى، اقتوبە وبلىسىنىڭ ىشكى ىستەر دەپارتامەنتى، قالالىق ىشكى ىستەر باسقارماسى، وبلىستىق ستاتيستيكا دەپارتامەنتى، №6655 اسكەري ءبولىمى ساربازدارى، وبلىستىق توتەنجە جاعدايلار دەپارتامەنتىنىڭ جەدەل-قۇتقارۋ جاساعى قىزمەتشىلەرى مەن مەملەكەتتىك تىلگە جاۋاپتى ماماندارى كوكەيىندەگى سۇراقتارىن قويىپ، الداعى ۋاقىتتا تىلدەردى وقىتۋ ورتالىعىمەن مەكەمەلەرى اراسىنداعى ىنتىماقتاستىق دامي تۇسۋىنە نيەتتى ەكەندىكتەرىن ءبىلدىردى.
سونداي-اق تىلدەردى وقىتۋ ورتالىعى ۇجىمىنا مارات وسپانوۆ اتىنداعى باتىس قازاقستان مەملەكەتتىك مەديسينا ۋنيۆەرسيتەتى رەكتورى ە.ج. بەكمۋحامبەتوۆتىڭ ءوز ريزاشىلىعىن بىلدىرگەن الحىسحاتى تابىستالدى.
شارا سوڭىندا قاتىسۋشىلارعا سىيلىق رەتىندە كىتاپتار تاراتىلدى.
