قازاقستاندا تۇڭعىش رەت قۇجاتسىز كولىك جۇرگىزۋگە بولاتىن بولدى. جاڭا جۇيە ءقازىر الماتىدا تەستتەن ءوتىپ جاتىر.
ق ر پرەمەر-مينيسترىنىڭ ورىنباسارى اسقار جۇماعالييەۆ الماتىعا جۇمىس ساپارى بارىسىندا قالا اكىمى باۋىرجان بايبەكپەن بىرگە جوبانىڭ جۇزەگە اسۋ بارىسىمەن تانىستى.
بۇل تۋرالى ق ر باس پروكۋراتۋراسى قۇقىقتىق ستاتيستيكا جانە ارنايى ەسەپ كوميتەتىنىڭ ءتوراعاسى باعدات مۋسين فەيسبۋكتەگى پاراقشاسىندا جازدى.
قالالىق ءىىد وكىلدەرى لاۋازىمدى تۇلعالارعا ە-ايىپپۇل جۇيەسىنىڭ قالاي جۇمىس جاسايتىنىن كورسەتتى.
كەزدەسۋ بارىسىندا قالا اكىمى باۋىرجان بايبەك قالاداعى ءار جول پوليسياسى قىزمەتكەرىنە پلانشەتپەن قامتاماسىز ەتۋ ءۇشىن بيۋدجەت قاراستىرۋ كەرەكتىگىن ايتتى.
«وسىنىڭ ارقاسىندا الماتى قازاقستان تاريحىندا جۇرگىزۋشىلەرى قۇجاتسىز جۇرەتىن تۇڭعىش قالا بولماق. اسقار جۇماعالييەۆ الماتى ىشىندە تەحپاسپورت، ساقتاندىرۋ ءپوليسى، تەحنيكالىق باقىلاۋ قۇجاتىن كوتەرىپ ءجۇرۋ قاجەتتىلىگىن جويىلاتىنىن مالىمدەدى. جۇرگىزۋشى قۇجاتىنا كەلسەك، حالىقارالىق قۇجاتتارعا بايلانىستى ازداعان پروبلەما بولىپ تۇر. ءبىراق ونىڭ دا شەشىمى تابىلارى ءسوزسىز»، - دەدى ول.
ايتا كەتۋ كەرەك، 2017 جىلدىڭ شىلدەسىنەن باستاپ استانادا ە-ايىپپۇل ەلەكتروندى حاتتاما جۇيەسى ەنگىزىلدى.
