ق ر جانە قازاق كسرو حالىق ءارتىسى بيبىگۇل تولەگەنوۆا فۋرمانوۆ كوشەسىن نازاربايەۆ داڭعىلى دەپ وزگەرتىلۋىنە قاتىستى پىكىر ءبىلدىردى.

ونەر يەسىنىڭ سوزىنشە، مۇنداي  وزگەرىسكە الماتىلىقتار تەز ۇيرەنىپ كەتەدى.

«ەلباسى ءوز ەلىنىڭ دامۋىنا از ەڭبەك ءسىڭىردى مە؟ مەنىڭ ويىمشا، ول كىسى كوشەگە ەسىمىن بەرۋگە ابدەن لايىق تۇلعا. تەك قانا سەمەي پوليگونىن جابۋعا سىڭىرگەن ەڭبەگىنىڭ ءوزى نەگە تۇرادى. مەن ويلايمىن، ادامدى تىرىسىندە باعالاۋىمىز كەرەك. بۇل دۇرىس شەشىم بولدى.  الماتىنىڭ كوشەلەرىنىڭ بىرىنە نۇرسۇلتان نازاربايەۆتىڭ اتى بەرىلۋى زاڭدى قۇبىلىس دەپ ويلايمىن»، - دەدى ءانشى.

ونەر يەسى مۇنداي وزگەرىسكە الماتىلىقتار تەز ۇيرەنىپ كەتپەك.

«ءبىز تاۋەلسىز ەلمىز. ەلدەگى بارلىق نىساندار ءبىزدىڭ تاريحىمىزدان حابار بەرۋى ءتيىس. ادامدار لەنين كوشەسىنىڭ دوستىق اتاۋىنا، مير كوشەسىنىڭ جەلتوقسان اتاۋىنا ۇيرەنىپ كەتتى عوي. كوشەلەرگە ءوز زامانىنىڭ تۇلعالارىنىڭ اتىن بەرۋ وتە دۇرىس»، - دەدى ول.

ايتا كەتەر بولساق، VI شاقىرىلىمداعى الماتى قالالىق ءماسليحاتىنىڭ سەسسياسىندا ق ر ۇكىمەتى جانىنداعى رەسپۋبليكالىق  جانە قالالىق ونوماستيكا كوميسسيالارى تۇرعىندار تاراپىنان تۇسكەن وتىنىشتەردى ەسكەرە وتىرىپ، الماتىداعى فۋرمانوۆ كوشەسىنە مەملەكەت باسشىسى نۇرسۇلتان نازاربايەۆتىڭ اتىن بەرۋ تۋرالى شەشىم قابىلدادى.

2017 جىلى قاراشانىڭ 30-ى بولعان الماتى قالالىق ءماسليحاتى سەسسياسىندا تەك فۋرمانوۆ كوشەسى اتاۋىن وزگەرتۋ تۋرالى عانا ەمەس، سونىمەن قاتار، الماتىداعى جۇزدەگەن كوشەنىڭ اتاۋىن (كوبى - اتاۋى قايتالاناتىن كوشەلەر) وزگەرتۋ تۋرالى شەشىم قابىلدانعان. سەسسياعا قاتىسقان الماتى اكىمى باۋىرجان بايبەك "الماتى تۇرعىندارىنان ەلباسى (قازاقستان پرەزيدەنتى نۇرسۇلتان نازاربايەۆتى ايتادى - رەد.) اتىنا كوشە بەرۋ تۋرالى كوپتەگەن وتىنىشتەر تۇسكەنىن" ايتقان.

«ءبىز بيىل استانانىڭ 20 جىلدىعىن مەرەكەلەيمىز. ەگەر ەسكە الاتىن بولساق، تاريحتىڭ ءوزى استانانى كوشىرۋ تۋرالى ەلباسى شەشىمىنىڭ بارىنشا كورەگەندى، ءارى دۇرىس ەكەنىن دالەلدەدى. سونىڭ ارقاسىندا ەۋرازيا ورتالىعىندا جاڭا زاماناۋي قالا پايدا بولدى جانە ەلىمىزدىڭ ىسكەرلىك ورتالىعى رەتىندە الماتى جاڭا سەرپىنمەن دامي باستادى. تاريحي ماڭىزى زور شەشىم مەن پرەزيدەنتتىڭ ەكونوميكالىق رەفورمالارى ءوزارا ۇشتاسىپ، جەكە باستامالاردى ىنتالاندىردى، كاسىپكەرلىك رۋحتى دامىتتى. بۇگىنگى كۇنى الماتى – وڭىرلىك تارتىلىس كۇشى، ورتالىق ازيانىڭ ءىرى مەگاپوليسى»، - دەدى باۋىرجان بايبەك.

ول ەلباسىنىڭ تۇراقتى قولداۋى ارقاسىندا جۇرگىزىلگەن جۇيەلى رەفورمالار بارىسىندا قالا ەكونوميكاسىنىڭ 100 ەسە وسكەنىن، شاعىن جانە ورتا بيزنەس قاتارىنىڭ 130 ەسە كوبەيگەنىن ايتتى. ەگەر سوناۋ 90 جىلدارى الماتى ءىجو وننان ءبىر بولىگىن عانا بەرسە،بۇگىنگى تاڭدا مەگاپوليس ەكونوميكانىڭ بەستەن ءبىر بولىگىن قامتاماسىز ەتۋدە، جالپى ەلىمىزدىڭ مۇنايدان تۇسەتىن سالىعىنىڭ تورتتەن ءبىرىن بەرۋدە، مۇندا شاعىن جانە ورتا بيزنەستىڭ بارلىق ءونىمىنىڭ تورتتەن ءبىرى شىعارىلۋدا.

«ءدال وسى قالادا ەلباسىنىڭ باستاماسىمەن كونستيتۋسيانى قابىلداۋ، ۇلتتىق ۆاليۋتانى ەنگىزۋ، قارۋلى كۇشتەردى قۇرۋ، مەملەكەتتىك رامىزدەردى بەكىتۋ، سەمەي پوليگونىن جابۋ سيقياتى تاريحي ىستەر جۇزەگە استى. سوندىقتان الماتىدا مۇنداي شەشىمنىڭ قابىلدانۋى وتە ورىندى»، - دەدى مەگاپوليس اكىمى.

ايتا كەتەرلىگى،وسىدان 10 جىل بۇرىن قازاقستان پرەزيدەنتى نازاربايەۆتىڭ ەسىمى يوردانيانىڭ اممان قالاسىنداعى جانە شەشەن رەسپۋبليكاسىنىڭ گروزنىي قالاسىنداعى كوشەلەردىڭ بىرىنە بەرىلگەن بولاتىن. بۇلاردان وزگە، قازاقستاننىڭ تۇڭعىش پرەزيدەنتىنىڭ ەسىمىمەن تۇركيانىڭ بىرنەشە قالالارىنىڭ كوشەلەرى اتالادى، تاتارستان استاناسى قازانننىڭ ماگيسترالدى كوشەسىنە ەلباسى ەسىمى بەرىلگەن.