الماتىنى شەتەلدە تانىمال ەتۋگە بيىل 122،9 ملن تەڭگە جۇمسالدى.

بيىل الەمدە وتەتىن ءىرى حالىقارالىق شارالارعا، اتاپ ايتقاندا سينگاپۋردا وتەتىن «ITB Asia 2017»، بارسەلونادا وتەتىن «IBTM World 2017»، لوندونداعى  «WTM 2017» كورمەلەرىنە قاتىسۋ، ءۇندىستان، يران، رەسەي، قىتايدا روۋد شوۋ كورسەتۋ كوزدەلگەن.

«الماتىنىڭ تۋريستىك ءيميدجىن قالىپتاستىرۋعا، ورتا ازياداعى تارتىمدى تۋريستىك باعىت رەتىندە تانىستىرۋعا 2017 جىلى 122،9 ملن تەڭگە جۇمسالدى»،- دەدى قالالىق تۋريزم باسقارماسىنان.

سونىمەن قاتار، Euronews حالىقارالىق تەلەكومپانياسىمەن الماتى قالاسىنىڭ تۋريستىك الەۋەتى تۋرالى بەينەروليك ءتۇسىرۋ جانە روتاسيا  تۋرالى كەلىسىمشارت جاسالدى.

«27-29 ماۋسىمنان باستاپ «Metropolitans» باعدارلاماسىندا «Almaty - the city of thousand colors» روليگى جارىققا شىقتى. «Focus» باعدارلاماسىندا ءتۇسىرىلىم جۇمىستارى جۇرگىزىلدى (بەينەروليك شىلدەدەن بەرى كورسەتىلىپ كەلەدى). 6-9 شىلدەدەن جارناما بەينەروليگى ءتۇسىرىلدى (بەينەروليكتىڭ روتاسياسى 11 قىرۇكيەكتەن 2017 جىلدىڭ سوڭىنا دەيىن جالعاسادى). 19-20 تامىزدا Star of Asia فەستيۆالى اياسىندا Cult باعدارلاماسىنا ءتۇسىرىلىم جۇمىستارى جۇرگىزىلدى (بەينەروليك 13 قىركۇيەكتەن تروتاسيالانادى).  28 قىركۇيەك - 3 قازان ارالىعىندا الماتى قالاسى مەن وبلىسىندا «Post cards» باعدارلاماسى ءۇشىن ءتۇسىرىلىم جۇمىستارى جۇرگىزىلەدى (روتاسيا قازاننىڭ ورتاسىنان قاراشانىڭ ورتاسىنا دەيىن جالعاسادى)»،- دەدى باسقارمادان.

الماتى اۋەجايىنىڭ مالىمەتىنە سايكەس 7 ايدا وتكەن جىلمەن سالىستىرعاندا سىرتتان كەلەتىن تۋريستەردىڭ سانى 22%-عا ارتقان.

الماتى قالالىق ستاتيستيكا دەپارتامەنتى وسى ارالىقتا سىرتتان كەلگەن تۋريستەرگە قىزمەت كورسەتۋگە 18%-عا ارتقانىن حابارلادى.

«18 قازاندا تۋريستىك اقپاراتتىق ورتالىق تاراتىلىپ، ورنىنا «Visit Center» قۇرىلدى. مۇندا تۋريستەر الماتىعا قاتىستى بارلىق ماعلۇماتتى بىلە الادى»، - دەدى باسقارمادان.