بۇگىن اقمولا وبلىسىنىڭ اكىمى مالىك ءمىرزاليننىڭ 2017 جىلدىڭ 20 جەلتوقسانداعى وكىمىمەن مارال جاقىپوۆا اقمولا وبلىستىق تىلدەر باسقارماسىنىڭ باسشىسى قىزمەتىنە تاعايىندالدى، دەپ حابارلايدى Qamshy.kz اقپارات اگەنتتىگى وڭىرلىك كوممۋنيكاسيالار قىزمەتىنە سىلتەمە جاساپ.

مارال جاقىپوۆا 1962 جىلى تۋعان. جوعارى ءبىلىمى بار. شىمكەنت پەداگوگيكالىق مادەنيەت ينستيتۋتىن بىتىرگەن. ەڭبەك جولىن 1979 جىلى باستاعان. 1985-1996 جىلدار ارالىعىندا مادەنيەت سالاسىندا ءارتۇرلى قىزمەتتەر اتقاردى.

1996-2005 جىلدار ارالىعىندا جەرگىلىكتى اتقارۋشى ورگانداردا ءتۇرلى اكىمشىلىك مەملەكەتتىك قىزمەتتە بولدى. 2007 جىلدىڭ تامىزىنان 2012 جىلدىڭ مامىرىنا دەيىن بۋراباي اۋدانىنىڭ ىشكى ساياسات جانە الەۋمەتتىك سالا بولىمىندە، اقمولا وبلىسى اكىمى اپپاراتىندا قىزمەت ىستەدى.

2012 جىلدىڭ مامىرى مەن 2016 جىلدىڭ مامىرى ارالىعىندا شاحمەت قۇسايىنوۆ اتىنداعى اقمولا وبلىستىق قازاق مۋزىكالىق دراما تەاترىنىنىڭ ديرەكتورى بولدى.

جاڭا قىزمەتكە تاعايىندالعانعا دەيىن قازاقستان حالقى اسسامبلەياسىنىڭ اقمولا وبلىسى فيليالى حاتشىلىعىنىڭ مەڭگەرۋشىسى بولىپ قىزمەت اتقاردى.