بۇگىن ماڭعىستاۋ وبلىسىنىڭ اكىمى ەرالى توعجانوۆ جاڭاوزەن قالاسىنىڭ تۇرعىندارىنا جاڭا اكىمدى تانىستىردى، دەپ حابارلايدى Qamshy.kz اقپارات اگەنتتىگى ماڭعىستاۋ وبلىسى اكىمدىگىنىڭ باسپا ءسوز قىزمەتىنە سىلتەمە جاساپ.

قالالىق ءماسليحاتتىڭ كەلىسىمىمەن شاھار باسشىسى بولىپ داۋىلبايەۆ ادىلبەك تاعايىندالدى. ادىلبەك قۇلىنتاي ۇلى بۇعان دەيىن ماڭعىستاۋ وبلىسى قاراقيا اۋدانىنىڭ اكىمى قىزمەتىن اتقارعان.

«ماڭعىستاۋ حالقىنا مەملەكەتتىك قىزمەتتە كوپ جىلدىق تاجىريبەسى بار بىلىكتى مامان رەتىندە بەلگىلى. سوندىقتان بۇل مىندەتتى دە ابىرويمەن اتقاراتىنىنا سەنىمىمىز مول»،- دەدى وبلىس اكىمى ەرالى توعجانوۆ.

ال، جاڭاوزەن قالاسىنىڭ بۇرىنعى اكىمى ەلۋباي ءابىلوۆ دەنساۋلىعىنا بايلانىستى ءوز ەركىمەن لاۋازىمىن بوساتتى.

داۋىلبايەۆ ادىلبەك قۇلىنتاي ۇلى 1964 جىلى ماڭعىستاۋ وبلىسى، تاۋشىق اۋىلىندا تۋعان.

1988 جىلى الماتى قالاسىنىڭ  قۇرىلىس تەحنيكۋمىن ونەركاسىپتىك-ازاماتتىق قۇرىلىس ماماندىعى بويىنشا ءتامامداعان.

 2004 جىلى م.تىنىشبايەۆ اتىنداعى كازاق كولىك  جانە كوممۋنيكاسيا اكادەمياسىن ينجەنەر-قۇرىلىسشى ماماندىعى بويىنشا بىتىرگەن.

ەڭبەك جولىن 1981 جىلى ماڭعىستاۋ اۋدانى شەتپە سەلوسىندا  ماڭعىستاۋ ءتۇرعىن-ۇي پايدالانۋ باسقارماسىنىڭ جۇمىسشىسى بولىپ باستاعان.

1989-1991 جج. –  «قىزىلتۇران كارەرى» ماڭعىستاۋ اۋدانى شەتپە سەلوسى.

1991-1993 جج. – ماڭعىستاۋ ءتۇرعىن-ۇي پايدالانۋ باسقارماسىنىڭ مامانى. ماڭعىستاۋ اۋدانى شەتپە سەلوسى.

1994-2000 جج. – «ماڭعىستاۋ مۇناي جولدارى» ج ش س پرورابى، اقتاۋ قالاسى.

2000-2001 جج. –  «جولسەرۆيس» ج ش س قۇرىلىس ۋچاسكىسىنىڭ مامانى (ماستەر). جاڭاوزەن قالاسى.

2001-2002جج. – ماڭعىستاۋ وبلىستىق مەملەكەتتىك ساۋلەت-قۇرىلىس ينسپەكسياسى ديرەكتورىنىڭ ورىنباسارى.

2002-2004جج. – ساۋلەت-قۇرىلىس باقىلاۋ جانە ليسەنزيالاۋ اۋماقتىق باسقارماسىنىڭ جەتەكشى مامانى.

2005-2006جج. –  ماڭعىستاۋ وبلىسىنىڭ  مەملەكەتتىك ساۋلەت-قۇرىلىس باقىلاۋ باسقارماسىندا جەتەكشى مامان، ءبولىم باسشىسى، باسقارما باستىعىنىڭ مىندەتىن اتقارۋشى بولعان.

2006-2009 جج. – ماڭعىستاۋ وبلىسىنىڭ  مەملەكەتتىك ساۋلەت-قۇرىلىس باقىلاۋ باسقارماسىنىڭ باستىعى. اقتاۋ قالاسى.

2009 جىلدىڭ شىلدە ايىنان باستاپ قاراقيا اۋدانىنىڭ اكىمى لاۋازىمىن اتقاردى.