مۇنداي تىڭ اقپارات كوزدەرىن الماتى قالاسىنىڭ وڭىرلىك كوممۋنيكاسيالار قىزمەتىندە «الەۋمەتتىك – ەكونوميكالىق دامۋدىڭ ناتيجەلەرى. «رۋحاني جاڭعىرۋ» باعدارلاماسىنىڭ ىسكە اسىرىلۋ بارىسى» تاقىرىبىندا وتكەن بريفينگتە المالى اۋدانىنىڭ اكىمى ەستەنوۆ جاسۇلان مالىمدەدى.

اۋدان باسشىسىنىڭ سوزىنە سۇيەنسەك، بارشامىزعا بەلگىلى ەلباسىنىڭ «بولاشاققا باعدار، رۋحاني جاڭعىرۋ» اتتى ماقالاسىن جۇزەگە اسىرۋ اياسىندا الدىمىزدا قويىلعان مىندەتتەردىڭ ءبىرى – مەملەكەتتىك بيۋدجەتتەن تىس قارجىلاندىرۋ ارقىلى بيزنەس وكىلدەرىن جانە اۋدان ازاماتتارىن تۋعان جەرىنە يگى ىستەر جاساۋعا، بەلسەندىلىك تانىتۋعا تارتۋ. وسى ورايدا ءبىرقاتار بيزنەس وكىلدەرىنىڭ اتسالىسۋىنىڭ ارقاسىندا بالالارعا ارنالعان 8 ويىن جانە سپورت الاڭدارى اشىلدى. سونىڭ ىشىندە، اباي داڭعىلى 141 مەكەنجايىن دا دەمەۋشىلەردىڭ قولداۋىمەن حوككەيمەن اينالىسۋعا ارنالعان مۇز ايدىنى قايتادان جوندەۋدەن وتكىزىلىپ، اشىلدى. بۇدان باسقا، مۇگەدەكتەر مەن قارت ازاماتتار جانە بالالارعا ارنالعان الەۋمەتتىك شارالار وتكىزىلدى. ال اۋدان اكىمشىلىگىنىڭ ۇيىمداستىرۋىمەن دەمەۋشىلەردىڭ قولداۋى ارقاسىندا استانا قالاسىندا وتكەن «ەكسپو-2017» حالىقارالىق كورمەسىن ۇزدىك وقيتىن 60 دارىندى بالا تاماشالاپ قايتتى.

سونىمەن قاتار، مەملەكەتتىك-جەكە سەرىكتەستىك نەگىزىندە «سپۋتنيك» سپورت كەشەنىندە قايتا جوندەۋ جانە «تاستاق» شاعىناۋدانىندا 400 بالاعا ارنالعان بالاباقشا سالۋ جۇمىستارى باستالدى.   

ودان بولەك، «تۋعان ولكە تاريحى»، «جاس دارىن» اتتى بايقاۋلار ءوتىپ، «ءسوز داۋا» كىتابى جارىق كوردى. اۋدان وكىلدەرى قالالىق، رەسپۋبليكالىق تىلدەردى دامىتۋ، مادەنيەتىمىزدى دارىپتەۋگە باعىتتالعان بايقاۋلاردا جۇلدەلى ورىنداردى يەلەندى. بۇل جولدا اۋدان جاستارىنىڭ ۇلەسى زور ەكەنىن اتاپ ايتۋعا بولادى. جالپى باعدارلاما اياسىندا اۋدان كولەمىندە 200-دەن استام ءىس-شارالار ۇيىمداستىرىلىپ، اتالعان باعىتتاعى جۇمىستار جالعاسىن تابۋدا، - ج.ەستەنوۆ.