كەشە الماتىدا The Qazaq Times اقپاراتتىق، قوعامدىق-ساياسي پورتالىنىڭ قۇرىلعانىنا ءبىر جىل تولۋىنا وراي «اقپارات ايدىنىندا ءبىر جىل: قازاقستان كونتەنتىندە تاۋەلسىز ب ا ق قالىپتاستىرۋدىڭ تاجىريبەلەرى مەن پروبلەماسى» اتتى دوڭگەلەك ۇستەلى ءوتتى، دەپ جازادى Qamshy.kz اقپارات اگەنتتىگى. 

The Qazaq Times اقپاراتتىق قوعامدىق-ساياسي پورتالى وسىدان ءبىر جىل بۇرىن قوعامنىڭ ءار سالاسىنداعى تىڭ اقپارات، تانىمدىق ويلاردى قوزعاۋ ماقساتىندا اشىلعان بولاتىن جانە سول ماقساتتا جۇمىس ىستەپ كەلەدى. سايت قازىرگى زامانعى قازاق مۇددەسىن جاقتاۋعا، قورعاۋعا بارىنشا ۇلەس قوسۋعا تىرىسىپ كەلەدى.

ۋاقىتى وتسە دە ءمانىن جويماعان، كوزدەن كەتىپ، كوڭىلدەن كومەسكىلەنە باستاسا دا ماڭىزىن ساقتاعان تانىمدىق وي، تاعىلىمدى ءسوز، تارتىمدى وقيعالاردى جاڭعىرتۋ دا سايتتىڭ بىردەن ءبىر ماقساتى. سوندىقتان The Qazaq Times پورتالى قازىرگى كەزدە الەمدە بولىپ جاتقان جەدەل اقپاراتتاردى دەر كەزىندە جەتكىزۋگە جانە ءتۇرلى دەڭگەيدەگى ساياسي، ەكونوميكالىق، عىلىم-تەحنيكا باعىتىنداعى سالماقتى وقيعالاردى ساۋاتتى ساراپتاپ، وقىرماندارىنا قاجەت اقپاراتتى ۇسىنىپ كەلەدىيۋ ساۋاتتى اقپارات ارقىلى باسقا اقپارات كوزدەرىنە ۇلگى بولۋدى كوزدەيدى.

شاراعا ساياساتتانۋشىلار، ب ا ق وكىلدەرى جانە ءىت سالاسىندا جۇرگەن ماماندار قاتىستى. ولار قازىرگى كەزدەگى قازاق سايتتارىنداعى ءبىرقاتار ماسەلەلەردى تالقىلادى. ولاردىڭ اراسىندا سايتتارداعى اقپاراتتى بىر-بىرىنەن كوشىرۋ، ماسەلەنى تەرەڭىنەن زەرتتەي الماۋ سياقتى ماسەلەلەر كوتەرىلدى.