اۋدانداعى قىلمىستىق جاعدايدى تالداۋ بويىنشا جىل باسىنان 32455 قۇقىق بۇزۋشىلىق تىركەلگەن، ونىڭ ىشىندە 12 741 قىلمىستىق قۇقىق بۇزۋشىلىق بويىنشا  (2016 جىلى – 14 235). وتكەن جىلمەن سالىستىرعاندا قىلمىستاردى اشۋ 23،1%-عا جاقساردى، - دەپ حابارلادى اۋدان اكىمى جاسۇلان ەستەنوۆ الماتى قالاسى وڭىرلىك كوممۋنيكاسيالار قىزمەتىندە وتكەن بريفينگتە.

اۋدان باسشىسىنىڭ مالىمەتىنشە، بەينەباقىلاۋ كومەگىمەن 303 قىلمىس اشىلىپ، 2644 قۇقىق بۇزۋشىلىق انىقتالدى. قازىرگى ۋاقىتتا المالى اۋدانىندا 6 474 بەينەباقىلاۋ ورناتىلعان، ونىڭ 2785 تۇرعىن ۇيلەردىڭ پودەزدەرىندە. بۇل جۇمىستاردىڭ بارلىعى ءقاۋىپسىز قالانى قالىپتاستىرۋعا باعىتتالعان. 

سونىمەن قاتار جابايى ساۋدانى جويۋ اياسىندا 200 رەيد جۇرگىزىلدى. 42-دەن استام زاڭسىز سالىنعان قۇرىلىس بۇزىلدى. ودان بولەك، «اكىمشىلىك قۇقىق بۇزۋشىلىق تۋرالى» كودەكسىنىڭ 204 بابىنا سايكەس «بەلگىلەنبەگەن جەرلەردە ساۋدا جاساۋ» بويىنشا 1689 حاتتاما تولتىرىلىپ، 2،5ملن.تگ. ايىپپۇل سالىندى،- دەپ مالىمدەدى المالى اۋدانىنىڭ اكىمى جاسۇلان ەستەنوۆ ءوز سوزىندە.