«ءبىر تويىم بولاتىنى ءسوزسىز مەنىڭ،

ءدال قاي كۇنى ەكەنىن ايتا المايمىن.

ءبىراق... ءبىراق... ەشكىمدى دە بيلەتپەي قايتارمايمىن».

بۇل قالىڭ قازاققا بەلگىلى ساعىنىشتىڭ جارشىسى تولەگەن ايبەرگەنوۆتىڭ ولەڭى ەدى. عۇمىرىن ولەڭ اتتى اساۋدى تىزگىندەۋمەن وتكەن سىرشىلدا، ليريك اقىننىڭ ءومىرى قايعى مەن قۋانىشتىڭ مۇناراسى سەكىلدى. وزىنە عانا ءتان ەلەگياسى بار تولەگەن تابيعاتىنىڭ كەرەمەتىن ولەڭدەرىنە ءۇڭىلۋ ارقىلى سەزىنۋگە بولادى.

جىر كەشتەرىنە ارقاۋ بولىپ، ءتىپتى وبلىس، رەسپۋبليكا، حالىقارالىق دەڭگەيلەردە  كونفەرەنسياسى ءوتىپ جۇرگەن تولەگەن اتامىزدىڭ ناسيحاتتالۋى كەم بولىپ جاتقان جوق. اسىرەسە، جاستاردىڭ اقىن ولەڭىنە دەگەن ماحابباتى سونگەن ەمەس. 2015 جىلدىڭ شىلدە ايىنان باستالعان ماڭعىستاۋ وبلىسى، تاۋشىق اۋىلىنداعى جىر كەشى، اقتاۋ قالاسى قازاق-تۇرىك ليسەيىندەگى حالىقارالىق كونفەرەنسياسى، وڭتۇستىك قازاقستان وبلىسى، شىمكەنت قالاسىنداعى زيالى قاۋىمنىڭ قاتىسۋىمەن وتكەن كونفەرەنسياسى، الماتى قالاسىنداعى قازاقستان جازۋشىلار وداعىندا وتكەن كونفەرەنسياسى، جاقىندا عانا رەسەي استاناسى ماسكەۋ قالاسىندا وتكەن جىر كەشتەرىن ماقتانىشپەن تىلگە تيەك ەتۋگە بولادى. وسى كەزەكتە اقىننىڭ ارداقتى اتىن وشىرمەي، ۇرپاقپەن ساباقتاستىرىپ جۇرگەن قىزى سالتانات ايبەرگەنوۆا اپامىز، قازاقستاننىڭ «اق جول» دەموكراتيالۆق پارتياسى ماڭعىستاۋ وبلىستىق فيليالى جانىنداعى «اق جول-جاستار» جاستار قاناتى، «بايتاق مەكەنىم» قوعامدىق قورىنىڭ جانە ت.ب. تۇلعالاردىڭ ەڭبەگى ەرەن.

ەندى مىنە استانا قالاسىندا وتكەلى وتىر.

"اق جول" قدپ ماڭعىستاۋ وبلىستىق فيليالى جانىنداعى "اق جول-جاستار" جاستار قاناتى مەن «بايتاق مەكەنىم» قوعامدىق قورىنىڭ ۇيىمداستىرۋىمەن وتەتىن اقيىق اقىن تولەگەن ايبەرگەنوۆتىڭ 80 جىلدىعىنا ارنالعان «سەندەر مەنىڭ باقىتىمنىڭ بۇلاعى...» اتتى ادەبي - سازدى كەش وتەدى.

وتەتىن جەرى: استانا قالاسى، ق ر ۇلتتىق اكادەميالىق كىتاپحاناسى

(دوستىق كوشەسى، 11- ءۇي.)

وتەتىن ۋاقىتى: 22 جەلتوقسان، 2017 جىل

ساعات: 15.00