ق ر ۇكىمەتىنىڭ قاۋلىسىمەن قايىربەك ايتباي ۇلى وسكەنبايەۆ ق ر ينۆەستيسيالار جانە دامۋ ۆيسە-مينيسترى قىزمەتىنە تاعايىندالدى، دەپ حابارلايدى Qamshy.kz اقپارات اگەنتتىگى پرەمەر-مينيستردىڭ سايتىنا سىلتەمە جاساپ.

قايىربەك وسكەنبايەۆ 1964 جىلى استانا قالاسىندا دۇنيەگە كەلگەن. 1986 جىلى كسرو ءىىم قاراعاندى جوعارى مەكتەبىن، 1996 جىلى — اقمولا اگرارلىق ۋنيۆەرسيتەتىن جانە 2004 جىلى ل. ن. گۋميليەۆ اتىنداعى ەۇۋ ديپلوماتيالىق اكادەمياسىن ءتامامداعان. زاڭگەر، ۇيىمداستىرۋشى-ەكونوميست جانە حالىقارالىق قاتىناستار سالاسىنداعى مامان رەتىندە بىلىكتى.

ەڭبەك جولىن 1982 جىلى باستاعان. 1982 – 1993 جىلدارى ىشكى ىستەر ورگاندارىندا قىزمەت ەتكەن، اقمولا قالالىق اكىمشىلىگىنىڭ كوممۋنالدىق مەنشىك ءبولىمىنىڭ مەڭگەرۋشىسى لاۋازىمىن اتقارعان.

1993 – 1996 جىلدارى باس كەڭەسشى زاڭگەر، زاڭدى قامسىزداندىرۋ جانە باقىلاۋ ءبولىمىنىڭ باسشىسى، ق ر مەملەكەتتىك مۇلىك بويىنشا اقمولا اۋماقتىق كوميتەتىنىڭ جەكەشەلەندىرۋ جونىندەگى بيۋرو ديرەكتورى رەتىندە جۇمىس ىستەگەن.

1996 – 2006 جىلدار ارالىعىندا ق ر جەكەشەلەندىرۋ بويىنشا اقمولا وبلىسى بويىنشا مەملەكەتتىك كوميتەتىنىڭ باسقارما ءتوراعاسىنىڭ ورىنباسارى، مەملەكەتتىك مۇلىكتى باسقارۋ بويىنشا اقمولا اۋماقتىق كوميتەتىنىڭ ءتوراعاسى، اقمولا قالاسى بويىنشا مەملەكەتتىك مۇلىك جانە جەكەشەلەندىرۋ بويىنشا اۋماقتىق كوميتەت ءتوراعاسى، «استانا قالاسىنىڭ كوممۋنالدىق مەنشىك قورى» مەملەكەتتىك كوممۋنالدىق كاسىپورنىنىڭ ديرەكتورى، ق ر يندۋستريا جانە ساۋدا مينيسترلىگىنىڭ ساۋدا جانە تۋريستىك قىزمەتتى رەتتەۋ كوميتەتىنىڭ ءتوراعاسى قىزمەتتەرىن اتقارعان.

2006 – 2011 جىلدارى ق ر تۋريزم جانە سپورت مينيسترلىگىنىڭ تۋريزم يندۋسترياسى جونىندەگى كوميتەتىنىڭ ءتوراعاسى جانە قازاقستان رەسپۋبليكاسىنىڭ تۋريزم جانە سپورت ۆيسە-مينيسترى رەتىندە جۇمىس ىستەگەن.

2011 – 2016 جىلدارى «20015 اسكەري بولىمشەسى» رمم ماتەريالدىق-تەحنيكالىق قامسىزداندىرۋدىڭ باستى باسقارماسىنىڭ باسشىسى، «قازمۇنايگاز – سەرۆيس» ج ش س باس ديرەكتورىنىڭ ورىنباسارى، ق ر ايماقتىق دامۋ ءبىرىنشى ۆيسە-مينيسترى جانە ق ر ۇلتتىق ەكونوميكا ۆيسە-مينيسترى قىزمەتتەرىن اتقارعان.

2016 جىلدان باستاپ قازىرگى ۋاقىتقا دەيىن «بايتەرەك» ۇبح» اق باسقارۋشى ديرەكتورى لاۋازىمىن اتقاردى.

«قۇرمەت» جانە «پاراسات» وردەندەرىمەن ماراپاتتالعان.