2017 جىلى الماتى قالاسىندا پوليسيا قىزمەتكەرلەرى 150-دەن استام جەزوكشەلەر ورداسىن جاپقان، دەپ حابارلايدى Qamshy.kz اقپارات اگەنتتىگى Kazpravda.kz سايتىنىڭ مالىمەتىنە سۇيەنە وتىرىپ.

«وتكەن جىلى الماتى پوليسياسى 150-دەن استام جەزوكشەلەر ورداسىن جاپتى. الماتىداعى ۇيىمداسقان قىلمىسقا قارسى باسقارما قىزمەتكەرلەرى 2017 جىلى ادام ساتۋعا بايلانىستى ءبىر قىلمىستىق ءىستىڭ جانە دە ادام ۇرلاۋعا قاتىستى 8 قىلمىستىق ءىستىڭ بەتىن اشتى»، - دەيدى قالالىق ءىىد باسپا ءسوز قىزمەتىندەگىلەر.

سونىمەن قاتار، جەدەل جانە ارنايى شارالار ناتيجەسىندە جەڭگەتايلىق ىسكە قاتىستى 37 فاكتى، جەزوكشەلىكپەن اينالىسۋعا يتەرمەلەگەن 19 فاكتى تىركەلگەن، ونىڭ ەكەۋىندە قىلمىسكەرلەردىڭ قۇربانى بولعان قىزدار كامەلەت جاسىنا تولماعان بولىپ شىقتى.

ەسكە سالا كەتسەك، وتكەن جىلدىڭ قاراشا ايىندا الماتىداعى پوليسيا قىزمەتكەرلەرى جوعالىپ كەتكەن 17 جاستاعى قىزدى جەزوكشەلەر ورداسىنان تاۋىپ العان بولاتىن. بەلگىلى بولعانداي، 17 جاستاعى قىزدى الداپ، جەزوكشەلىكپەن اينالىسۋعا ماجبۇرلەگەن. ق ر قك 134 بابىنا سايكەس ەكى جاس جىگىت قىلمىستىق جاۋاپكەرشىلىككە تارتىلعان ەدى.