قازاقستاننىڭ اۋا رايىن ءالى دە انتيسيكلون انىقتاۋدا. سونىڭ اسەرىنەن 27 قاڭتاردا جاۋىن-شاشىنسىز اۋا رايى ساقتالادى. رەسپۋبليكانىڭ كەي جەرلەرىندە جەلدىڭ كۇشەيۋى، تۇمان، جاياۋ بۇرقاسىن كۇتىلەدى، دەپ حابارلايدى Qamshy.kz اقپارات اگەنتتىگى «قازگيدرومەت» رمك-عا سىلتەمە جاساپ.

اتاپ ايتقاندا، وڭتۇستىك قازاقستان، قىزىلوردا وبلىستارىنىڭ كەي جەرلەرىندە 18-23 م/س ەكپىنمەن سوعاتىن جەلدىڭ جىلدامدىعى 30 م/س-گە كۇشەيەدى. 

جامبىل، ماڭعىستاۋ وبلىستارىنىڭ كەي جەرلەرىندە 15-20 م/س ەكپىندەگى جەل 23 م/س ارتادى، جامبىل وبلىسىنىڭ جەكەلەگەن اۋماقتارىندا جاياۋ بۇرقاسىن، تۇمان بولادى. 

قاراعاندى، شىعىس قازاقستان وبلىستارىنىڭ كەي جەرلەرىندە تۇمان، 15-20 م/س ەكپىندەگى جەل بولجانادى.

  اتىراۋ، اقتوبە وبلىستارىندا تۇندە 15-20 م/س جىلدامدىقتا جەل سوعادى.  پاۆلودار، تۇندە الماتى وبلىسىنىڭ كەي جەرلەرىندە تۇمان كۇتىلەدى.

جامبىل،  الماتى وبلىستارىندا وتە قاتتى اياز ساقتالادى. 

وڭتۇستىك قازاقستان وبلىسىنىڭ كەي جەرلەرىندە وتە قاتتى اياز بولجانادى. 

سونىمەن قاتار قاتتى اياز قاراعاندى، شىعىس قازاقستان، قىزىلوردا، ماڭعىستاۋ، پاۆلودار وبلىستارىنىڭ كەي جەرلەرىندە كۇتىلەدى.