نۇرسۇلتان نازاربايەۆ ميلوش زەمانعا چەح رەسپۋبليكاسىنىڭ پرەزيدەنتى لاۋازىمىنا قايتا سايلانۋىنا بايلانىستى قۇتتىقتاۋ جەدەلحاتىن جولدادى، دەپ جازادى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ.
قازاقستان پرەزيدەنتى نۇرسۇلتان نازاربايەۆ م.زەماندى چەح رەسپۋبليكاسى پرەزيدەنتىنىڭ سايلاۋىنداعى جەڭىسىمەن قۇتتىقتادى.
«ءسىزدىڭ جەڭىسىڭىز ەلىڭىزدى ودان ءارى دامىتۋدى كوزدەيتىن باعىتىڭىزعا دەگەن حالىق سەنىمىنىڭ ايقىن دالەلى بولىپ سانالادى.
ءبىز بيىل ديپلوماتيالىق قارىم-قاتىناسىمىزدىڭ 25 جىلدىعىن اتاپ وتەمىز. شيرەك عاسىر ىشىندە قازاقستان مەن چەحيا اراسىنداعى ءوزارا ءىس-قيمىلدىڭ جوعارى دەڭگەيگە كوتەرىلگەنىنە قۋانىشتىمىن.
قازاقستان مەن چەحيا اراسىنداعى ىنتىماقتاستىق ەلدەرىمىزدىڭ يگىلىگى ءۇشىن ءوزارا سەرىكتەستىك رۋحىندا جالعاسا بەرەتىنىنە سەنىمدىمىن. سىزگە زور دەنساۋلىق، جاۋاپتى قىزمەتىڭىزگە تابىس، ال دوستاس چەحيا حالقىنا بەيبىتشىلىك پەن باق-بەرەكە تىلەيمىن»، – دەلىنگەن جەدەلحاتتا.
پىكىر قالدىرۋ