بۇل تۋرالى الماتى قالاسى وڭىرلىك كوممۋنيكاسيالار قىزمەتىندە وتكەن بريفينگتە ەڭبەك، الەۋمەتتىك قورعاۋ جانە كوشى-قون كوميتەتىنىڭ الماتى قالاسى بويىنشا دەپارتامەنتىنىڭ باسشىسى نارماتوۆ ايدىنجان ايتتى.

ونىڭ اقپاراتىنشا، مەملەكەت باسشىسىنىڭ تاپسىرماسى بويىنشا 2013 جىلى ەلىمىزدە ءبىرىڭعاي جيناقتاۋشى زەينەتاقى قورى قۇرىلىپ، وعان زەينەتاقى اكتيۆتەرىن شوعىرلاندىرۋ جۇمىسى اياقتالدى. بۇل رەتتە مەملەكەتتىڭ زەينەتاقى جيناقتارىنىڭ ساقتالۋىنا بەرەتىن كەپىلدىگى وزگەرگەن جوق.

زەينەتاقى جيناقتارىن ۇلعايتۋدى قامتاماسىز ەتۋ ماقساتىندا 2014 جىلعى 1 قاڭتاردان باستاپ:

ا) بالا ءبىر جاسقا تولعانعا دەيىن ونىڭ كۇتىمىمەن دەمالىستا وتىرعان جۇمىس ىستەيتىن ايەلدەردىڭ مىندەتتى زەينەتاقى جارنالارىن سۋبسيديالاۋ جۇرگىزىلۋدە؛

ب) ەڭبەك جاعدايلارى زياندى (ەرەكشە زياندى) جۇمىستاردا ىستەيتىن قىزمەتكەرلەردىڭ پايداسىنا جۇمىس بەرۋشىلەردىڭ قاراجاتى ەسەبىنەن 5 %-دىق مىندەتتى كاسىپتىك زەينەتاقى جارنالارى (مكزج) ەنگىزىلدى؛

ۆ) ايەلدەردىڭ زەينەتكەرلىككە شىعۋ جاسىن كەزەڭ-كەزەڭىمەن ارتتىرۋ جۇزەگە اسىرىلۋدا.

ايەلدەردىڭ زەينەتكەرلىككە ەرتە شىعۋ مۇمكىندىگىن ساقتاپ قالۋ:

1) توتەنشە جانە رادياسيا ءقاۋپى ەڭ جوعارى ايماقتاردا 1949 جىلعى 29 تامىز بەن 1963 جىلعى 5 شىلدە ارالىعىنداعى كەزەڭدە كەمىندە 5 جىل تۇرعان ايەلدەر 45 جاستا؛

2) 5 جانە ودان كوپ بالا تۋعان (اسىراپ العان) جانە ولاردى سەگىز جاسقا دەيىن تاربيەلەگەن ايەلدەر 53 جاستا؛ 

3) زەينەتاقى اننۋيتەتىن يەمدەنگەن جاعدايدا زەينەتاقى جيناقتارى جەتكىلىكتى بولسا 50 جاستا زەينەتكەرلىككە ەرتە شىعا الادى،-دەپ اتاپ ءوتتى.