وكق اقپاراتتىق الاڭىندا «اقىلدى قالاعا اينالدىرار قادام: Astana Innovations Challenge 2018 ىسكە قوسىلادى» تاقىرىبىندا باسپا ءسوز كونفەرەنسياسى بولىپ ءوتتى. «سيفرلىق قازاقستان» مەملەكەتتىك باعدارلاماسىن ىسكە اسىرۋ اياسىندا 24-25 اقپاندا «اشىق مالىمەتتەر» تاقىرىبىندا حاكاتون وتكىزۋ جوسپارلانىپ وتىر. بۇل – Astana Innovations Challenge 2018 ءىس-شارالارى توپتاماسىنداعى ءبىرىنشى حاكاتون. ۇيىمداستىرۋشىلار اتالمىش شارانىڭ دايىندىق بارىسى، قاتىسۋشىلارى مەن ەرەكشەلىكتەرى تۋرالى ەگجەي-تەگجەيلى ايتىپ بەردى.
استانا قالاسىنىڭ اكىمدىگى تاراپىنان 24-25 اقپاندا «اشىق مالىمەتتەر» تاقىرىبىندا ستارتاپ-جوبالار بايقاۋىن وتكىزۋ جوسپارلانىپ وتىر. الداعى وتەتىن حاكاتون Astana Innovations Challenge 2018 توپتاماسىنداعى الدىن الا جوسپارلانباعان ءىس-شارا بولىپ وتىر. سوندىقتان شارا ۇيىمداستىرۋشىلارى كونكۋرس جەڭىمپازدارىنا ءبىرقاتار قىزىقتى شەشىمدەر مەن توسىنسىيلار ازىرلەۋدە.
باسپا ءسوز كونفەرەنسياسىندا ءسوز سويلەگەن سپيكەرلەر:
- «استانا قالاسىنىڭ ينۆەستيسيالار جانە دامۋ باسقارماسى» مم باسشىسى، ءابدىقادىروۆ الىشەر ەلىس ۇلى؛
- «Astana Innovations» اق باسقارما ءتوراعاسى ولجاس سارتايەۆ؛
- MOST بيزنەس-ينكۋباتورىنىڭ باس ديرەكتورى، ءالىم حاميتوۆ؛
- «ەلوردانى تۇراقتى دامىتۋ ورتالىعى» ج ش س ديرەكتورىنىڭ ورىنباسارى اعلەن ماقانوۆا.
بۇل حاكاتوننىڭ ەرەكشەلىگى – مەملەكەتتىك شەنەۋنىكتەر، قوعام قايراتكەرلەرى، جۋرناليستەر، ينۆەستورلار مەن ساراپشىلار «شىنايى ديالوگ جانە تۇيتكىلدەردى جەكەلەي شەشۋگە» قاتىسۋ ماقساتىندا كەزدەسەدى. اتاپ ايتقاندا، اتالمىش تالقىلاۋ ازىرلەۋشىلەر ءۇشىن قىزىقتى بولماق، ولار جەتەكشى ساراپشىلار مەن مەملەكەتتىك ورگانداردىڭ ءبىرىنشى باسشىلارىنان بۇگىندە قانداي ازىرلەمەلەر سۇرانىسقا يە ەكەنىن جانە ولاردى ىسكە اسىرۋدا قالاي ينۆەستيسيا تارتۋ كەرەكتىگىن بىلە الادى.
حاكاتوننىڭ قورىتىندىسى بويىنشا 3 ۇزدىك ستارتاپ-جوبا ىرىكتەلىپ الىنىپ، ولار ارىپتەستەر – Microsoft Kazakhstan مەن Here Technologies كومپانيالارى ۇسىنعان 1 000 000 تەڭگە مولشەرىندەگى جۇلدە قورىن ءوزارا بولىسەدى.
مۇنان باسقا، ەڭ دارىندى ازىرلەۋشىلەر ماسكەۋ قالاسىنا «سكولكوۆو» قورىنداعى ارىپتەستەرىمەن تاجىريبە الماسۋعا بارا الادى.
بۇكىل حاكاتون بويى ازىرلەۋشىلەردىڭ جەتىستىكتەرىن مەملەكەتتىك ۇيىمدار مەن مەكەمەلەر وكىلدەرى، الەۋەتتى ينۆەستورلار، حالىقارالىق كومپانيالار مەن قورلار قىزمەتكەرلەرى قاداعالايتىن بولادى.
قاتىسۋشىلار 24-25 اقپان حاكاتوندا شەشۋى ءتيىس ماسەلەلەر:
- استانا قالاسىنداعى قوعامدىق كولىكتى جانە كولىك جۇيەسىن قاداعالاۋ بويىنشا سەرۆيستەر جاساۋ؛
- اۆتوبۋستارداعى جولاۋشىلار لەگىن ەسكەرە وتىرىپ، كولىك لەكتەرىن جوسپارلاۋ؛
- حالىقتىڭ قالا ءىس-شارالارى بويىنشا حاباردارلىعىن ارتتىرۋ؛
- قالانىڭ ەكولوگيالىق احۋالىن ۇلگىلەۋ جانە حالىقتى اقپاراتتاندىرۋ؛
- «قازاقتەلەكوم» اق اقپاراتتىق جۇيەلەر ديرەكسياسىنىڭ «اشىق سيفرلىق پلاتفورما» جوباسى اياسىنداعى مىندەتتەرى
- جانە باسقالارى
مۇنىڭ بارلىعى حاكاتون اياسىندا تانىستىرىلاتىن رەسۋرستىڭ ارقاسىندا مۇمكىن بولادى جانە سيفرلىق بولاشاقتى، «اشىق مالىمەتتەر» پورتالىن جاساۋدا كەزەكتى قادام بولادى.
بايقاۋدىڭ ۇيىمداستىرۋشىلارى – «استانا Innovations» اق جانە جەكەمەنشىك MOST بيزنەس-ينكۋباتورى.
باس ارىپتەس – «قازاقتەلەكوم» اق فيليالى – اقپاراتتىق جۇيەلەر ديرەكسياسى.
الاڭ Astana Hub تاراپىنان ۇسىنىلدى. جوباعا ەلوردانى تۇراقتى دامىتۋ ورتالىعى، «استانا LRT» ج ش س، «قازگيدرومەت» رمك قولداۋ ءبىلدىردى.
