بۇگىن استانادا ءماجىلىس دەپۋتاتتارى، اۋىل شارۋاشىلىعى مينيسترلىگى وكىلدەرى مەن ازاماتتىق بەلسەندىلەر جەر ماسەلەسىن تالقىلادى، دەپ جازادى Qamshy.kz اقپارات اگەنتتىگى.
جەر تۋرالى زاڭ جوباسىن تالقىلاۋعا قاراعاندى قالاسىنان كەلگەن قوعام بەلسەندىسى جەكسەن ءابدراحمانوۆتىڭ ايتۋىنشا، وسىنداي جيىنداردىڭ ارقاسىندا ەلدىڭ اششى زارى، ەلدىڭ مۇڭ-مۇقتاجى جوعارعى بيلىكتىڭ قۇلاعىنا جەتەدى.
– كەدەيدى كۇنى كىجىنەۋمەن وتەدى دەيدى. جىل بولدى، «ەلىم» دەپ كىجىنەمىز، «جەرىم» دەپ كىجىنەمىز، «قازاقشا بىلمەيتىن مينيسترلەر» دەپ كىجىنەمىز. ءبىزدىڭ كىجىنۋىمىز قاشان بىتەدى؟ بيلىكتەگىلەر قاشان ەلدىڭ تىلەگىن ەلەيدى؟ قازاق ءتىلىن بىلمەيتىن ادام قازاقستاندا ەڭ بيىك لاۋازىمدا وتىرۋى دەگەن نە ماسقارا؟ ءاربىر سالانىڭ ەڭ بيىك تۇعىرى – مينيستر بولسا، سول سالانىڭ ەڭ اقىلدىسى عوي، ءبىراق ول ەلدىڭ ءتىلىن بىلمەيدى. ءبىزدىڭ جەرىمىز بەتپاق دالا، اۋىل شارۋاشىلىعىنا جارامايدى. سوندا ول جەردى جالعا بەرە بەرۋگە بولا ما؟ قازاقستاننىڭ جەر تەلىمدەرى جالعا كەتە بەرە مە سوندا؟ قالاي؟» - دەدى جەكسەن ءابدىراحمانوۆ.
