قازاقستاندىق مانەرلەپ سىرعاناۋشى دەنيس تەن پحەنچحانداعى وليمپيادا ويىندارىندا جارىس جولىن اياقتادى، دەپ 24.kz-كە سۇيەنە وتىرىپ جازادى Qamshy.kz اقپارات اگەنتتىگى.
ول قىسقا باعدارلامادان سوڭ فينالعا وتە المادى. بۇل جونىندە سپورتشىنىڭ ءوزى Instagram-دا بىلاي دەپ پىكىر ءبىلدىردى.
«بۇگىن مەن ءۇشىن جارىس جولى اياقتالدى. ءومىرىمنىڭ كەزەكتى بولىگى دە ءتامام. جارتى جىل بۇرىن اۋرۋحاناعا تۇسكەندە، كورەياعا وليمپياداعا قاتىسۋ ءۇشىن ورالا المايمىن با دەپ قورىققانمىن. بۇل ماۋسىمدى تەك ءبىر ماقسات ءۇشىن – پحەنچحان 2018-گە تاپ بولۋعا ارنادىم. ءبارى ويداعىداي بولماسا دا، ويىندارعا قاتىسۋىمنىڭ ءوزىن جەتىستىك دەپ بىلەمىن جانە مۇنىمەن ماقتانامىن. بارىنە بىردەن قول جەتكىزگىم كەلگەن. سول ءۇشىن دەنساۋلىق، كۇش، نازاردى قۇرباندىققا شالدىم. ءبارى بىردەي اقتالعان جوق، ازداعان وكىنىش تە بار»، – دەيدى تەن.
ءسوز سوڭىندا دەنيس يۋليا گالىشيەۆانى جۇلدەسىمەن قۇتتىقتاپ، قازاقستاندىق وزگە سپورتشىلارعا ساتتىلىك تىلەدى.
