شىمكەنتتە 8 سىنىپ وقۋشىسى وزىنە قول جۇمسادى. قايعىلى وقيعا 16 اقپان كۇنى  كەشكى ساعات 19-دار شاماسىندا بولعان. بۇل تۋرالى Qamshy.kz اقپارات اگەنتتىگى  قازاقپارات مالىمەتىنە سۇيەنىپ حابارلايدى.

«قالاداعى №113 مەكتەپتىڭ 8 سىنىپ وقۋشىسى ا.ز. ساعات 18:30 شاماسىندا اناسىنا مالعا جەم-شوپ سالامىن دەپ، قوراعا كەتكەن. ارادا ءبىراز ۋاقىت وتكەنىمەن بالاسى قايتىپ ورالماعان. ودان سوڭ اناسى مازاسىزدانىپ، قوراعا كىرگەندە اسىلىپ تۇرعان ۇلىن كورەدى. جەتكىنشەكتىڭ دەنەسى قالالىق N1 اۋرۋحاناعا جەتكىزىلدى. ءجاسوسپىرىمنىڭ ءوز وزىنە قول جۇمساۋ وقيعاسى سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. سوتقا دەيىنگى تەكسەرۋ جۇرگىزىلۋدە. شىمكەنت قالاسىنىڭ اكىمدىگى مارقۇم وقۋشىلاردىڭ وتباسى مەن جاقىندارىنا قايعىلارىنا ورتاقتاسىپ، كوڭىل ايتادى» دەلىنگەن اكىمدىك تاراتقان حابارلامادا.

ايتا كەتەيىك، بۇل شىمكەنتتەگى جاسوسپىرىمدەردىڭ اراسىنداعى ءوز وزىنە قول جۇمساۋدىڭ العاشقى وقيعاسى ەمەس. بۇعان دەيىن  10 اقپاندا قايناربۇلاق ساياجايىندا تۇراتىن 11 سىنىپ وقۋشىسى ءۇيىنىڭ اۋلاسىندا اسىلىپ قالعان بولاتىن. ول ءوز ولىمىنە كىنالى رەتىندە التى ادامنىڭ ءتىزىمىن جازعان قاعاز تاستاپ كەتكەن ەدى.