ەلباسى ن.ءا.نازاربايەۆتىڭ تاپسىرماسىمەن قازاقستاندىق وتباسىلاردى قولجەتىمدى تۇرعىن ۇيمەن قامتاماسىز ەتۋگە ارنالعان «نۇرلى جەر» ءبىرىڭعاي تۇرعىن ءۇي قۇرىلىسى باعدارلاماسى جاسالعانى بارشاعا ايان. اتالمىش باعدارلاما اياسىندا ق ر دەنساۋلىق ساقتاۋ مينيسترلىگى مەن «قازاقستاندىق يپوتەكالىق كومپانيا» اق-ى اراسىنداعى مەموراندۋمنىڭ جۇزەگە اسۋىمەن مەديسينا سالاسىنىڭ قىزمەتكەرلەرى دە باسپانالى بولۋدا، دەپ جازادى Qamshy.kz اقپارات اگەنتتىگى «پەدياتريا جانە بالالار حيرۋرگياسى عىلىمي ورتالىعى» باسپا ءسوز قىزمەتىنە سىلتەمە جاساي وتىرىپ.
بۇگىن پەدياتريا جانە بالالار حيرۋرگياسى عىلىمي ورتالىعىنىڭ باسشىسى ريزا بورانبايەۆا «نۇرلى جەر» باعدارلاماسى بويىنشا الماتى قالاسى «العاباس» اۋدانىنان باسپانالى بولعان 8 قىزمەتكەردى قۋانىشتارىمەن قۇتتىقتاپ، سىي-سىياپات جاسادى.
كوپتەن كۇتكەن قۋانىشتارىمەن ورتالىق ۇجىمى مەن باسشىلىعى، بارشا ارىپتەستەرى مەن دوستارى قۇتتىقتاپ، ىزگى نيەت تىلەكتەرىن ءبىلدىردى.
«جاڭا پاتەرگە قول جەتكىزگەن ورتالىق قىزمەتكەرلەرىن قۋانىشتارىمەن قۇتتىقتايمىن! مەديسينالىق مەكەمەلەر ىشىندە ءبىزدىڭ ورتالىقتىڭ قىزمەتكەرلەرى ەڭ كوپ پاتەر كىلتىنە يە بولدى. ءالى دە ءبىر قىزمەتكەرىمىزدىڭ ءوتىنىشى قارالۋدا. «نۇرلى جەر» باعدارلاماسى دارىگەرلەردىڭ باسپانا ماسەلەسىن شەشىپ قانە قويماي، ەلىمىزدىڭ كادر الەۋەتىن ارتتىرۋعا ءوز سەپتىگىن تيگىزەرى ءسوزسىز. بالا دەنساۋلىعىن نىعايتۋعا قوسار ۇلەستەرىڭىز كوپ بولسىن! قونىستارىڭىز قۇتتى بولسىن! ۇيلەرىڭىزدىڭ شاڭىراعى بيىك، كەرەگەسى كەڭ بولىپ، جاڭا ءۇيدىڭ ىشىندە تەك تاتۋلىق پەن بەرەكە، قۋانىش پەن باقىت، قۇت پەن ىرىس سالتانات قۇرسىن!» - دەپ اق تىلەگىن ءبىلدىردى ر.بورانبايەۆا.
پاتەر كىلتىنە ارنايى ىرىكتەۋ بويىنشا كوپ جىلداردەن بەرى مەديسينا سالاسىنا بار ءومىرىن ارناپ، ولشەۋسىز ۇلەس قوسىپ كەلە جاتقان بىلىكتى دارىگەرلەرمەن قاتار، جاس دارىگەرلەر دە يە بولدى. جىلدار بويى جاڭا قونىستى كۇتكەن دارىگەرلەردىڭ قۋانىشىندا شەك جوق.
