ق ر ءدىن ىستەرى جانە ازاماتتىق قوعام ۆيسە-مينيسترى بەرىك ارىن باستاعان قازاقستاندىق دەلەگاسيا 2018 جىلعى 20-21 اقپاندا كاتاردىڭ استاناسى دوحا قالاسىندا وتكەن «ءدىن جانە ادام قۇقىعى» تاقىرىبىندا ۇيىمداستىرىلعان دىندەر ديالوگىنىڭ 13ء-شى دوحا كونفەرەنسياسىنا قاتىستى.
ۆيسە-مينيستر ب. ارىن كونفەرەنسيادا «ءدىن بوستاندىعى جانە ءدىني تاجىريبە» تاقىرىبىندا ءوزىنىڭ بايانداماسىن وقىپ، قاتىسۋشىلاردى ەتنوسارالىق جانە كونفەسسياارالىق كەلىسىمدى قامتاماسىز ەتۋدەگى قازاقستاننىڭ تاجىريبەسىمەن تانىستىردى. سونداي-اق، مەملەكەت باسشىسى نۇرسۇلتان ءابىش ۇلى نازاربايەۆتىڭ الەمدىك جانە ءداستۇرلى دىندەر سەزىن شاقىرۋ جونىندەگى جاھاندىق باستاماسىنا تولىعىراق توقتالىپ ءوتتى.
بۇدان بولەك، فورۋم دەلەگاتتارى مەملەكەت پەن دىندەر اراسىنداعى ءوزارا ءىس-قيمىلدىڭ قازاقستاندىق ۇلگىسىن قۇرۋ، ازاماتتاردىڭ ار-وجدان بوستاندىعى قۇقىعىن قامتاماسىز ەتۋ جونىندەگى زاڭنامالىق باستامالار، بارلىق زاڭدى ءدىني بىرلەستىكتەرمەن سىندارلى ىنتىماقتاستىقتى قامتاماسىز ەتۋ جانە ەل دامۋىنىڭ زايىرلى پرينسيپتەرىن نىعايتۋ جونىندەگى قازاقستان ۇكىمەتى قابىلداپ جاتقان شارالار تۋرالى حاباردار بولدى.
«ەلباسىمىزدىڭ ساليقالى ساياساتىنىڭ ارقاسىندا قازاقستان ءارتۇرلى ءدىندى ۇستاناتىن ادامداردىڭ بەيبىت ءومىر ءسۇرۋىنىڭ وزىندىك، ەرەكشە ۇلگىسىن قۇرا الدى»- دەپ اتاپ ءوتتى ب.ارىن.
جالپى العاندا، كونفەرەنسياعا قاتىسۋشىلار ءدىني بوستاندىقتار مەن ءدىني تاجىريبەلەر، ساياسي، ەكونوميكالىق جانە الەۋمەتتىك سالالارداعى ادام قۇقىقتارى، جەكە ادامداردىڭ جانە توپتاردىڭ قۇقىقتارىنىڭ بۇزىلۋىنا ءدىننىڭ قاتىناسى، قاسيەتتى جازبارلار مەن وسيەتتەردەگى ادام قۇقىقتارى، ءدىني قۇندىلىقتاردى ادام قۇقىقتارى تۋرالى زاڭناماعا ەنگىزۋدىڭ تابىستى تاجىريبەسى سياقتى ءبىراقاتار وزەكتى ماسەلەلەردى تالقىلادى.
ءىس-شاراعا اقش، كانادا، شۆەسيا، يتاليا، ۇلىبريتانيا، بەلگيا، مالايزيا، ارگەنتينا جانە باسقا دا ەۋروپا، اراب، ازيا ەلدەرىنەن، سونداي-اق تمد مەملەكەتتەرىنەن كەلگەن دىندەر مەن وركەنيەتتەر ديالوگى ماسەلەلەرىن زەرتتەۋمەن اينالىساتىن ءدىني قايراتكەرلەر، عالىمدار، تەولوگتار، ءدىن جانە ادام قۇقىقتارى سالاسىنداعى ساراپشىلار، قۇقىق قورعاۋ باعىتىنداعى ءتۇرلى ۇكىمەتتىك ەمەس ۇيىمدار مەن ورتالىقتاردىڭ وكىلدەرى قاتىستى.
پىكىر قالدىرۋ